Stadionni to'liq rekonstrukciya qilish loyiha-smeta hujjatlariga asos umumiy 107,0 mlrd. So'mni tashkil etadi. Joriy yilning investiciya dasturi doirasida 20,0 mlrd. so'm mablag' ajratildi va qurilish ishlari boshlandi.

Rekonstrukciya qilish davomida asosiy futbol maydoniga qo'shimcha 2 ta futbol maydonini qurish, 154 o'rinli yotoqxona, o'quv xonalari, oshxona, kutubxona, fitnes va sport zallari, aholiga xizmat ko'rsatish joylari, avtomashinalar uchun turargohlar qurish belgilangan va bu orqali stadionni futbolga ixtisoslashtirilgan sport majmuasiga aylantirish rejalashtirilmoqda.

Stadionning qurilish ishlari yakunlangandan keyin Qoraqalpog'iston Respublikasi Futbol akademiyasi tarbiyalanuvchilari stadionga ko'chirib o'tkaziladi hamda o'quv jarayonlari bilan bir qatorda futbol bo'yicha amaliy mashg'ulotlar olib boriladi.

Bundan tashqari, stadionni jahon standartlariga mos ravishda rekonstrukciya qilish orqali Pro ligada to'p suruvchi Aral, Jayxun, Aral akademiya hamda qizlar o'rtasida O'zbekiston Pro ligasida to'p suruvchi Aral women futbol jamoalarining mezbonlik uchrashuvlari o'tkazilishi bilan bir qatorda, xalqaro sport musobaqalarini o'tkazish imkoniyati yaratiladi.

Qoraqalpog'istonda joylashgan Turon stadioni xalqaro standartlarga mos rekonstrukciya qilinadi