Qozog'iston chempionati

"Astana" Qozog'istonning so'nggi mavsumdagi chempioni sanaladi. Arslon Beshpaev shogirdlari 26 o'yinda 53 ochko jamg'ardi. Bir ochko kam jamg'argan "Aktobe" kumush medallar sohibiga aylangan bo'lsa, 47 ochko bilan "Tobol" kuchli uchlikdan o'rin oldi. "Astana"ning portugaliyalik hujumchisi Pedro Eujeniu 18 ta gol bilan to'purarga aylandi. "Tobol"ning o'zbekistonlik hujumchisi Igor Sergeev esa 9 ta gol urdi.

O'zbekistonlik legionerlar

Odil Abdumajidov, Shahboz Umarov (ikkalasi ham - "Ordabasi"), Igor Sergeev ("Tobol")

Tojikiston chempionati

Dushenbening "Istiqlol" klubi ketma-ket 9-marta mamlakat chempioniga aylandi. Xodadad Azizi shogirdlari katta ustunlik bilan ikkinchi o'rindagi "Ravshan"ni (13 ochkolik farq) ortda qoldirdi. Kumush medal sohiblaridan bir ochko kam jamg'argan "Xo'jand" esa uchinchi o'rin bilan kifoyalandi. Chempionlar etakchisi Manuchehr Jalilov turnirning eng yaxshi futbolchisi hamda to'purari (16 ta gol)ga aylandi.

O'zbekistonlik legionerlar

Olim Karimov, Shahzod Mamurjonov, Sanjar Rixsiboev, Jahongir Safarov (barchasi - "Esxata"); Oybek Axmatov, Jafar Ismoilov, Mirzohid Jalilov, Ismoil Ohunjonov, Javohir Rasulov, Otabek Zokirov (barchasi - "Istaravshan"); Jamshid Xomidov, Rustam Qo'chqorov (ikkalasi ham - "Xatlon"); Firdavs Abdusalimov, Xushnudbek Bozorov, Dinmuhammad Ochilov, Samandar Ochilov, Shahboz Salimbaev (barchasi - "Xo'jand"), Shahzod Abdurahimov, Muhriddin Ahmedov, Behruz Dustmurodov, Javohir G'aybullaev, Jahongir Qurbonboev, Mirjalol Qurbonov, Sardor Matmurodov (barchasi - "Ravshan Zafarobod"); Hakim Alamxonov, Jasur Qurbonov, Mirkomil Lokaev, Anvar Murodov, Sergey Proxorov (barchasi - "Regar-TadAZ")

Qirg'iziston chempionati

O'tgan yili kumush medallarga ega chiqqan "Abdish-Ata" bu gal "Dordoy"ning to'rt yillik seriyasiga barham berdi hamda o'z tarixida ilk bor mamlakat chempionligini qo'lga kiritdi. Jeylan Arikan shogirdlari yaqin takibchisi "Alay"ni 9 ochkoga ortda qoldirdi. Uchinchi o'rin esa "Alga" klubiga nasib etdi. "Alay" futbolchisi Emmanuel Yagr chempionat to'purariga aylandi. "Abdish-Ata" futbolchisi Atay Jumashev esa turnirning eng yaxshi futbolchisi deb topildi.

O'zbekistonlik legionerlar

Sherzodbek Abduraimov, Murodjon To'ychiboev (ikkalasi ham - "Alay"); Timur Talipov ("Dordoy"); Saidjamol Davlatjonov, Kamron Najafaliev, Hasan Yo'ldoshev, Azamat Jumaboev (barchasi - "Kaganat"); Azamat Abdullaev ("Neftchi"); Sardor Ablaev, Jamshid Qobulov, Mirzohid Mamatxonov, Doston Rashidov, Dilshod Umrzoqov ("Nur-Batken")

Turkmaniston chempionati

"Axal" klubi ko'p yillik chempion "Altin Asir"ni katta farq bilan ortda qoldirgan holda mamlakat chempioniga aylandi va Osiyo Chempionlar ligasida ishtirok etish huquqini qo'lga kiritdi. Bronza medallariga “Merv” klubi ega chiqdi. "Kopetdag"ning 24 yoshli yarim himoyachisi Begench Akmamedov chempionatning eng yaxshi futbolchisi deb topildi. "Axal" futbolchisi Didar Durdiev 27 ta gol bilan to'purarga aylandi.

Qo'shni mamlakatlar chempionatlaridagi g'oliblar, to'purarlar va o'zbekistonlik legionerlar