Kuni kecha Osiyo chempionlar ligasida guruh bosqich o'yinlari start oldi. Bir yo'la to'rtta klubimiz guruhdagi o'z uchrashuvlarini o'tkazishdi.

Biz etiboringizni bosh murabbiylarga qaratmoqchimiz. OCHLda bosh murabbiy sifatida o'zbek klublari bilan eng ko'p o'yin o'tkazgan mutaxassis Mirjalol Qosimov hisoblanadi. Qosimov o'z vaqtida "Bunyodkor", hozirda OKMK bilan qitaning eng nufuzli musobaqasida bosh murabbiy bo'lib jami 49ta o'yin o'tkazgan. U boshchiligidagi klub 20 marta g'alaba qozongan va 64ta gol urishga erishgan.

"Nasaf" klubi shu kunga qadar OCHLda jami 37ta o'yin o'tkazgan. Etiborlisi bu o'yinlarning barchasida Ro'ziqul Berdiev bosh murabbiy bo'lgan!

O'yin o'tkazish bo'yicha keyingi o'rinda marhum Viktor Jalilov joy olgan - 26ta bahs. Jalilov "Paxtakor" va "Mashal" bosh murabbiyi sifatida OCHLda ishlagan.

"Lokomotiv" ustozi Andrey Miklyaev hisobida 22ta o'yin mavjud. "Neftchi" afsonasi Yuriy Sarkisyan hisobida 22ta o'yin bor. "Bunyodkor" bilan 3 mavsum ishlagan Sergey Lushchan OCHLda 21ta o'yinda bosh murabbiy bo'lgan.

"Navbahor" ustozi Samvel Babayan o'yinlar soni bo'yicha "Lokomotiv" sobiq bosh murabbiyi Vadim Abramovga etib oldi - 8tadan.

"Paxtakor" bosh murabbiyi Maksim Shackixning OCHLdagi debyuti yirik mag'lubiyat bilan boshlandi.

Ro'yxatda Shota Arveladze, Tachmurad Agamurodov, Luiz Felipe Skolari, Amet Memet, Slavche Voyneski, Deyan Jurjevich, Valeriy Nepomnyashchiy, Miodrag Radulovich, Piter Xyuistra, Ziko, Hakim Fuzaylov kabi xorijlik murabbiylar bor.

Agar hozirgi murabbiylar yil oxirigacha o'z lavozimlarida qolishsa Qosimov 50, Berdiev 40, Babayan 10-o'yinlarini o'tkazishadi.

Murabbiylar	O'yin	Yutuq	Durang	Mag'lubiyat	T-N	Ochko
Mirjalol Qosimov	49	20	15	14	64-60	75
Ro'ziqul Berdiev	37	12	9	16	38-48	45
Viktor Jalilov	26	15	4	7	42-34	49
Andrey Miklyaev	22	6	9	7	28-26	27
Yuriy Sarkisyan	22	8	1	13	26-38	25
Sergey Lushchan	21	3	5	13	16-31	14
Ravshan Haydarov	17	6	4	7	24-26	22
Shota Arveladze	15	8	3	4	20-15	27
Tachmurad Agamurodov	14	6	3	5	17-12	21
Luiz Felipe Skolari	9	4	1	4	14-15	13
Vadim Abramov	8	2	1	5	14-15	7
Samvel Babayan	8	2	4	2	8-9	10
Amet Memet	7	3	2	2	6-9	11
Andrey Fyodorov	7	2	1	4	10-12	7
Slavche Voyneski	6	2	0	4	10-15	6
Deyan Jurjevich	6	2	1	3	6-10	7
Murodjon Ismoilov	6	2	1	3	6-9	7
Valeriy Nepomnyashchiy	6	3	1	2	11-7	10
Miodrag Radulovich	6	3	0	3	8-10	9
No'mon Hasanov	6	3	1	2	10-9	10
Piter Xyuistra	6	1	4	1	6-8	7
Aleksandr Volkov	5	2	0	3	5-8	6
Ziko	2	1	0	1	1-3	3
Hakim Fuzaylov	2	0	0	2	3-6	0
Maksim Shackix	1	0	0	1	0-3	0

Qosimov rekordchi, Berdiev ikkinchi, Babayan Abramovga etib oldi