Қозоғистонга Лионель Месси бошчилигидаги Аргентина терма жамоасининг тўлиқ таркиби келиши кутилмоқда.

Қозоғистон футбол федерациясининг матбуот-котиби Ербол Каировнинг сўзларига кўра, Аргентина терма жамоаси Қозоғистон билан ўртоқлик учрашуви ўтказишга қарши эмас. Месси ва жамоа Россияга қарши баҳсдан сўнг Астанага келишга тайёр.

"Аргентина ўртоқлик ўйинига қарши эмас, улар 11 ва 14 ноябрь кунлари ўртоқлик учрашуви ўтказишмоқчи. Ҳаммаси маблағга боғлиқ, бу қиммат турадиган учрашув. Аргентина ўрнига захира вариант бор, аммо бу ҳақида гапиришга эрта. Ҳар қандай ҳолатда 14 ноябрь куни терма жамоа ўртоқлик учрашуви ўтказади. Яқин 10 кун ичида биз келишиб олишимиз керак.

Агар пул топсак ўйин бўлиши аниқ. Музокаралар ўтказиляпти" - дейди Каиров.

Эслатиб ўтамиз, Аргентина терма жамоаси 11 ноябрь куни Россия терма жамоаси билан ўртоқлик учрашуви ўтказади.

Қозоғистон футбол федерацияси Мессини Астанага олиб келмоқчи