"Bunyodkor"ni bir ochko bilan tabriklayman va ularga omad tilayman. Biz bugun butun musobaqa davomidagi eng yaxshi o'yinlarimizdan birini o'tkazdik. Raqib deyarli vaziyatlar yaratmadi. Oldinda to'rtta bahs bor. Biz kumush medali uchun kurashishda davom etamiz", - deya fikr bildirdi murabbiy Rade Petrovich.

- Jamoangiz namoyish etgan o'yinga baho berib o'tsangiz?

- Dastlabki 15 daqiqada uchta yaqqol vaziyatga ega bo'ldik, keyin esa o'yinni nazorat qildik. Birinchi bo'limda o'yinni to'liq boshqardik. Faqatgina, standart vaziyatdan gol o'tkazib yubordik. Yana bir bor takrorlayman, bugun biz juda sifatli va yaxshi o'yin namoyish etdik. Shu o'yinimizni chempionat so'ngiga qadar saqlab qolishimiz kerak.

- Zoran Petrovich ancha vaqtdan beri jamoada ko'rinmay qoldi. Ko'pchilik, Petrovich "So'g'diyona"ni tark etgan deb aytishmoqda. Ushbu vaziyatga oydinlik kiritsangiz?

- Sentyabr oyida biz mehnat shartnomasini bekor qildik va Zoran uyiga qaytib ketdi.

- "So'g'diyona" etakchisi Doriev avgustdan buyon gol urmayapti. U hali hamon juda yaxshi o'yin namoyish etmoqda, ammo gollar yo'qolib qoldi. Bunga sabab nima?

- Ha, u qanday o'yinchi ekanligini bilasiz. Umid qilamanki, u so'nggi to'rtta uchrashuvda yana gollar ura boshlaydi.

- "So'g'diyona" jamoasi joriy mavsumda o'zining to'liq potencialini namoyish eta oldimi?

- Mening fikrimcha, biz yaxshi mavsum o'tkazmoqdamiz. Natijalarimizga Shohrux Abdurahmonovning jarohati tasir o'tkazdi. Abdurahmonov dastlabki turlarda Superliganing eng yaxshi o'yinchisi bo'lib turgandi, ammo u jarohat oldi. Biz Shohruxsiz ham yaxshi natija namoyish etmoqdamiz. Biz ikkinchi o'rin uchun kurashamiz.

- "So'g'diyona" so'nggi ikkita bahsda ochkolar yo'qotdi. OKMKga qarshi va bugun ham jamoangiz birinchi bo'lib gol o'tkazib yubordi. Keyin hisobni tenglashtirdi, lekin bu g'alabaga etarlicha bo'lmadi. Nima deb o'ylaysiz, so'nggi ikki bahs jamoaning yakuniy jadvaldagi o'rnini hal etishi mumkinmi? Aynan shu ikki bahs tufayli "Nasaf" bilan bo'lgan farq yiriklashib ketdi.

- Men aytib o'tganimdek, biz bugun juda yaxshi o'yin namoyish etdik. Barcha futbolchilar bugungi o'yindan rozi, menimcha. "Qizilqum", OKMK va "Bunyodkor"larga qarshi uchrashuvda durang qayd etdik, afsuski. Shunga qaramay, shu uchrashuvlarda xarakter ko'rsatdik.

Rade Petrovich: "Joriy mavsumdagi eng yaxshi o'yinimizdan birini o'tkazdik. Kumush medallar uchun kurashamiz"