MILANGACHA...

Biz finalda o'ynashga haqli edik. Ammo bunga erishish juda qiyin bo'ldi. Guruh bosqichidan so'ng yirik jamoalar bilan bellashdik. PSJ va "Volfsburg" kabi jamoalarga qarshi mehmondagi o'yinimiz o'xshamadi, ammo "Santyago Bernabeu"da barchasini to'g'irladik.

Bundan so'ng yarim finalda "Manchester Siti"ni taslim etdik. Og'ir mehnatimiz o'z mevasini berganidan xursandmiz. Finalda "Atletiko"dek kuchli raqibga qarshi o'ynaymiz. Bu juda yoqimli.

TANISH RAQIB HAQIDA

"Atletiko"ni juda yaxshi bilamiz. Ular ham xuddi biz kabi finalga munosib. Ular bazi top-jamoalarni turnirdan chiqarib yubordi. Ularda ajoyib jamoa bor va "Atletiko" raqib bilan qanday kurashish kerakligini yaxshi biladi.

Bizni og'ir bahs kutib turibdi. Bor etiborimizni finalga qaratishimiz kerak. Kamroq xato qilgan jamoa g'alaba qozonadi.

Biz maydonda ko'proq mehnat qilishimiz, bir jamoadek o'ynashimiz va yaxshi himoyalanishimiz kerak. Agar biz buni uddalsak g'alaba sari olg'a qadam tashlagan bo'lamiz.

2014 YILDAGI FINAL HAQIDA..

Buvam va buvim menga doimo umid bo'lishi haqida aytishardi. Klubimiz bunday vaziyatlarga ko'p tushib qolgan. O'shanda faoliyatimdagi eng yaxshi onlarni boshimdan o'tkazganman. Jahon chempioni bo'ldim, ikki marotaba Evroda g'alaba qozondim.

ZINEDIN ZIDAN QO'L OSTIDAGI HAYOT...

Men "Zizu" haqida faqat yaxshi gaplar eshitganman. Unda murabbiylik tajribasi juda kam, ammo jamoaga ko'p narsa bera oldi.

"Zizu" o'zining mashhur nomini murabbiylik faoliyatida ham saqlab qoldi. Biz uning g'oyalarini amalda qo'llashga urinyapmiz. U mavsumning hal qiluvchi paytida futbolchilardan maksimum natija chiqara oldi.

KRISHTIANU RONALDU BILAN BIRGA TO'P TEPISH...

"Real"ni Krishtianusiz tasavvur qilish qiyin. U har mavsum 50 ta gol uradi. Bir necha yil davomida bu darajani saqlab qolish juda qiyin. U klubda ekan, har mavsum 50 ta gol bo'lishiga kafolat bor.

JAMOA SARDORI

Boshqalarga namuna bo'lish uchun siz o'z ustingizda ko'p ishlashingiz kerak. Bu jamoaning sardori ekanligimdan xursandman.

Ramos bilan intervyu