"Boshqa sxema nimanidir o'zgartirardi deb o'ylamayman. Biz o'tkazib yuborgan birinchi gol rejada yo'q edi. Beshinchi daqiqada qarshi hujumdan o'tkazib yuborilgan gol o'yinni o'zgartirib yubordi.

Birinchi bo'limda yaxshi o'ynay olmadik. Har jabhada ikkinchi raqam bo'ldik.

Tanaffusda markaziy himoyachi Jeydon Sanchoni almashtirdik. Keyin esa dastlabki 25 daqiqada faol harakat qildik va bosim ham o'tkaza oldik. 2-3 ta vaziyat bo'ldi, ammo o'tkazib yuborilgan uchinchi gol barchasini hal qildi.

Hozirda "Liverpul" bizdan 6 yil oldinda ekanligini tan olishimiz kerak.

Yurgen Klopp kelganidan so'ng klub o'zgardi. Nafaqat jamoa, balki shahar ham boshqa darajaga ko'tarildi. Keyingi transfer oynasi vaqtida ham biz bilan shunday vaziyat sodir bo'lishi kerak", - dedi "Manchester Yunayted" bosh murabbiyi.

Rangnik: "Liverpul" MYUdan 6 yil oldinda"