Тарихий ғалабага эса клуб бош директори Элбек Саматов муносабатини билдирди.

"Аввало Андижон аҳлини тарихий ғалаба билан табриклайман. Ҳар қандай тарих бир кун келиб янгиланади. Ўтган йили кубокни олган ҳолда янги тарих яратган эдик. Ўйиндан олдин кийиниш хонасида ҳам буни йигитларга айтдим. Биз эмас, аксинча рақиб жамоа биздан қўрқиши керак. Яна бир нарсани айтиб ўтишим мумкин футболчилар борларини бериб ўйнади, мухлислар ҳам ажойиб тарзда қўллаб-қувватлади. Бош мураббийимиз танлаган услуб ва унинг имзоси 90 дақиқа давомида кўриниб турди. Бундай муҳитда "Андижон" ўз уйида ўйнагандек бўлди. Узоқ масофа босиб келган мухлисларга раҳмат айтаман.

ОЧЛга тайёргарликни йилни бошидан бошлаганмиз. Таркибни ҳам шунга мослаб шакллантирганмиз. Бу мусобақада бутун Ўзбекистон шаънини ҳимоя қиламиз. Ёзда 1-2 та чизиқларни кучайтиришимиз мумкин. Лекин бу ҳақида гапиришга ҳали эрта ва яна тўхталамиз",- дейди Элбек Саматов.

"Рақиблар биздан қўрқиши керак". "Андижон" раҳбари тарихий ғалабага изоҳ берди