"Навбаҳор" қишки трансфер "ойнаси"дан самарали фойдаланган ҳолда, ўз таркибини маҳоратли футболчилар билан тўлдиришда давом этмоқда. Шундай ўйинчилардан бири, маҳоратли ҳужумчи Алишер Одилов жамоамиз билан шартнома имзолади.

Мазкур футболчи 2001 йил, 15 июлда Андижон шаҳрида туғилган.

Профессионал футболдаги фаолиятини 2021 йилда "Олимпик" (Тошкент)да бошлаб, тошкентликлар сафида 2024 йил августгача тўп тепган. 2024 йилнинг августида Россиянинг “Химки” (Москва вилояти) жамоаси таркибига қўшилган.

Алишер Одилов Ўзбекистоннинг турли ёш тоифаларидаги терма жамоаларда ўйнаган ва Ўзбекистон олимпия терма жамоасининг зафарларига ўзининг муносиб ҳиссасини қўшган.

Биз жамоамизнинг янги футболчисига Навбаҳор”да омад ёр бўлиб, “лочинлар”нинг ғалабаларига муносиб ҳиссасини қўшишига тилакдошмиз", — дейилади клуб хабарида.

Расман: Алишер Одилов Суперлигага қайтди