2020 yilning birinchi kunida o'tkazilgan bellashuvda birmingemliklarning biryo'la ikki nafar o'yinchisi jiddiy jarohat oldi.

Dastlab, "Byornli" sardori Ben Mining qo'pol o'yini sabab "Villa" hujumchisi Uesli tizzasidan jiddiy jarohat oldi va 71-daqiqada Jonatan Kodjiaga almashtirildi. Bungacha Uesli 27-daqiqada hisobni ochgan edi.

Uchrashuvning 80-daqiqasida mezbonlar hujumchisi Kris Vudning bosh bilan bergan zarbasini qaytarmoqchi bo'lgan darvozabon Tom Xiton erga noqulay yiqildi va 85-daqiqada Oryan Nilandga almashtirildi. Tom o'sha vaziyatda ham gol o'tkazib yubordi, ham jiddiy jarohat oldi. Bir kelsa, qo'shaloqlashib keladi, degani shu bo'lsa kerak.

"Aston Villa" matbuot xizmati tarqatgan xabarga ko'ra, har ikki futbolchi ham tizzasidan jiddiy shikastlangan va mavsumning qolgan qismini o'tkazib yuboradi. Klub allaqachon Xitonning o'rniga darvozabon qidirishni boshlab yubordi.

Eslatib o'tamiz, braziliyalik 23 yoshli hujumchi ayni paytga kelib APLning 21 turida har safar asosiy tarkibda maydonga tushib kelgan va 5ta gol bilan Jek Grilishdan keyin jamoaning ikkinchi to'purari bo'lib turgandi. 33 yoshli ingliz kiperi esa bu mavsum APLda 20ta o'yin o'tkazgan.

Angliya Premer-ligasi turnir jadvali >>>>> APL

Rasman: "Aston Villa"ning biryo'la ikki o'yinchisi jiddiy jarohat oldi va safdan chiqdi (16+)