Yig'ilishga O'FA birinchi vice-prezidenti Ravshan Ermatov hamda O'zPFL bosh direktori vazifasini bajaruvchi Diyor Imomxo'jaev boshchilik qildi.

Mavjud sharoitdan kelib chiqib, avgust oyi so'ngiga qadar Superliganing birinchi davra uchrashuvlari markazlashgan holda Toshkent shahri va viloyati stadionlarida o'tadigan bo'ldi. Bunda asosiy jamoalar tabiiy maydonlarda, U-21 jamoalari esa suniy maydonlarda uchrashuv o'tkazadi.

Qayd etish kerak, O'zPFL mazkur yig'ilishda musobaqalarni o'tkazish yuzasidan ikki xil variantni prezentaciya qildi. Shuningdek, ayni holat hamda taqvimdagi noqulayliklar borasida tushuntirish berildi, markazlashgan musobaqaning afzalliklari va kamchiliklari slayd ko'rinishida tushuntirildi. Shundan so'ng, klublar vakillariga o'zaro fikr almashish uchun tanaffus berildi. Yakunda markazlashgan turnir loyihasi klublar vakillari tomonidan maqulladi.

Kelishuvga ko'ra, hech bir jamoa o'z maydonida uchrashuv o'tkazmaydi. Barcha uchrashuvlar neytral stadionda o'tkaziladi. Klublar o'zlari tanlab olgan qarorgohda istiqomat qiladi va urdan faqatgina mashg'ulot hamda o'yinlarga ruxsat etilgan avtomobilida qatnaydi.

O'zPFL pandemiya davrida futbol uchrashuvlarini qayta tiklash shartlari aks etgan reglamentni taqdim etdi. Avgust oyidagi o'yinlar davomida mana shu reglamentga amal qilinishi nazorat qilinadi. O'zPFL tibbiyot xodimlaridan iborat komissiya tuzishni rejalashtirgan. Mazkur komissiya klublardagi holatni o'rganib boradi.

Chempionatning ikkinchi davrasi va hamda kubok uchrashuvlarining qayt tartibda o'tishi masalasi keyinroq muhokama etiladigan bo'ldi. Buning uchun milliy terma jamoaning Tojikiston va Eronga qarshi o'rtoqlik o'yinlarida maydonga tushishi yoki tushmasligi masalasi to'liq hal etilishi lozim. Shundan keyingina kuz fasli uchun navbatdagi rejalarni ishlab chiqish mumkin. Katta ehtimol bilan formatning o'zgarishi mumkinligi, shundan kelib chiqib, jamoalar turnir jadvalidagi o'rinlarini yaxshilab olish uchun jiddiy bel bog'lashlari tushuntirildi. Holat bir necha oylik rejalar ishlab chiqish imkonini bermaydi. Terma jamoalardan tashqari OFK miqyosida o'tadigan Osiyo Chempionlar ligasi musobaqasi hamda O'zbekiston mezbonligida o'tadigan yoshlar o'rtasidagi Osiyo chempionati masalasi bilan bog'liq yangiliklar ham har qanday rejaga o'z tasirini o'tkazadi. O'zPFL termalar bilan bog'liq jarayonlar hal etilishiga, avia va temir yo'l qatnovlari tiklanishiga hamda karantin qoidalarining yana bir qator meyorlari o'zgarishiga qarab keyingi rejalarni ochiqlab boraveradi.

Quyida o'yinlar jadvali bilan tanishish mumkin. Qaysi uchrashuvning qaysi maydonda o'tishiga yaqin kunlar ichida oydinlik kiritiladi.

9-tur
14 avgust, Juma
Buxoro	-	Bunyodkor
10-tur
17 avgust, Dushanba
Nasaf	-	So'g'diyona
Bunyodkor	-	Metallurg
AGMK	-	Lokomotiv
18 avgust, Seshanba
Qo'qon-1912	-	Paxtakor
Mashal	-	Andijon
Qizilqum	-	Buxoro
19 avgust, Chorshanba
Surxon	-	Navbahor
11-tur
20 avgust, Payshanba
So'g'diyona	-	Bunyodkor
21 avgust, Juma
Paxtakor	-	Nasaf
Andijon	-	AGMK
Lokomotiv	-	Qo'qon-1912
22 avgust, Shanba
Navbahor	-	Mashal
Metallurg	-	Qizilqum
Buxoro	-	Surxon
12-tur
24 avgust, Dushanba
Nasaf	-	Bunyodkor
Qo'qon-1912	-	Andijon
Paxtakor	-	Lokomotiv
25 avgust, Seshanba
AGMK	-	Navbahor
Surxon	-	Metallurg
Qizilqum	-	So'g'diyona
26 avgust, Chorshanba
Mashal	-	Buxoro
13-tur
27 avgust, Payshanba
Andijon	-	Paxtakor
Lokomotiv	-	Nasaf
28 avgust, Juma
So'g'diyona	-	Surxon
Navbahor	-	Qo'qon-1912
Bunyodkor	-	Qizilqum
29 avgust, Shanba
Buxoro	-	AGMK
Metallurg	-	Mashal

Rasman: Coca Cola Superliga avgust so'nggigacha markazlashgan holda o'tadi