"Paxtakor" klubi o'z tarbiyalanuvchisi Hojimat Erkinovni jamoaga qaytardi. "Sherlar" uni "Torpedo"dan ijaraga olishdi. Bu haqda klub matbuot xizmati xabar berdi.

"Erkinov 2020, 2021 va 2022 yillarda "Paxtakor"ning chempionlikka erishishiga o'z hissasini qo'shgan. "Sherlar" tarkibida Superligada 37 o'yinda 6 gol urgan, Chempionlar Ligasida esa 13 bahsda 2 gol muallifiga aylangan. Moskvaning "Torpedo" klubi bilan kelishuv asosida Erkinov bir yilga ijaraga olindi", - deyiladi klub xabarida.

Bundan tashqari, Erkinov "Paxtakor" matbuot xizmatiga qisqa intervyu ham bergan.

- Meni tarbiyalagan qadrdon jamoam "Paxtakor"ga qaytganimdan xursandman. Superliganing ikkinchi davrasida chempionlik ananasini davom ettirishda yordam berishni xohlayman. Chempionlar Ligasida ham muxlislarimizni quvontiradigan o'yinlar ko'rsatishga harakat qilamiz. Bor kuchim bilan klubimga yordam berishga intilaman. Ishqibozlarni mavsumning ikkinchi qismida chiroyli futbol bilan quvontiramiz degan umiddaman.

Rasman: Hojimat Erkinov "Paxtakor"ga qaytdi