Римликлар 25 ёшли ярим ҳимоячини “Олимпиакос”дан 2022/2023 йилги мавсум охиригача ижарага олишди. Ушбу муддат тугагач, “бўрилар” футболчини сотиб олиш ҳуқуқига эга. Камара 20-рақамли либосда тўп тепади.

"Бу ерда эканлигимдан жуда хурсандман, “Рома”га ўтиш мен учун ажойиб имконият. Бу мавсум ҳам чемпионат, ҳам кубок баҳсларида шиддатли бўлади. Мен барча турнирларда жамоага ўз ҳиссамни қўшиш ва ёрдам бериш учун ҳаракат қиламан. "Олимпико" стадионидаги мухлисларни кўриш ажойиб завқ бағишлади. Уларнинг қаршисига чиқишга сабрим чидамаяпти", — деди Камара.

Эслатиб ўтамиз, “Рома” навбатдаги ўйинини 4 сентябрь куни “Удинезе”га қарши ўтказади.

Расман: Камара — "Рома" футболчиси!