Qarshining "Nasaf" klubi 31 yoshli gruziyalik yarim himoyachi Jaba Jigauri bilan shartnoma imzolganini rasman elon qildi.

Championat.asia sayti avvalroq "Eshitdik-da!" rukni orqali Jaba Jigaurining transferi haqida malumot bergandi.

Jaba Jigauri faoliyatining asosiy qismini mamlakatning ikki grand jamoalari - Dinamo Tbilisi va Dinamo Batumida muvaffaqiyatli o'tkazgan. Shuningdek, Jigauri faoliyati davomida Franciya, Makedoniya va Qozog'iston ligalarida ham o'ynagan.

Jabaning maydondagi asosiy poziciyasi markazda bo'lib, futbolchi markaziy va hujumchi ortida insayd rolida ham o'ynashi mumkin. Jigauri yarim himoyachi bo'lishiga qaramasdan faoliyati davomida 86ta gol urib, 40 marotaba assist qayd etgan.

Jaba Jigauri Gruziya milliy jamoasi azosi sanaladi va termada 22ta o'yin o'tkazgan.

Jaba Gruziya futbolining yorqin yulduzi Xvicha Kvaracxeliya bilan Batumida birga to'p tepgan.

Rasman: "Nasaf" Jaba Jigaurini o'z safiga qo'shib olganini elon qildi