Boisi Osiyo futbol konfederaciyasi bugun 2019 yil yakunlariga ko'ra, qitaning eng yaxshilarini taqdirlash marosimini o'tkazdi.

"The AFC Annual Awards-2019" oldidan bugun kunning birinchi yarmida Osiyo futbolini yanada rivojlantirish masalasi bo'yicha qator uchrashuv va tadbirlar ham o'tkazildi. Jumladan, Markaziy Osiyo futbol associaciyasiga azo mamlakatlar vakillari mintaqamizda futbol darajasini yanada oshirish, o'zaro aloqalar va hamkorlikni yangi darajaga olib chiqish bo'yicha uchrashuv o'tkazdi. Qita va mintaqamiz futboli kelajagi muhokama etilgan uchrashuvda O'FA Birinchi vice-prezidenti Ravshan Ermatov ham ishtirok etdi va endilikda milliy terma jamoalar o'rtasida ham mintaqa chempionatini tashkil etish vaqti kelganini bildirdi.

- Markaziy Osiyoda futbol darajasini yanada oshirish, mintaqa jamoalarining xalqaro maydondagi natijalarini yanada yaxshilashda azo futbol associaciyalar o'rtasidagi hamkorlik aloqalarini yanada mustahkamlash juda muhim jihat sanaladi. Futbol insonlarni do'stlashtiradi va birlashtiradi, bu borada O'zbekiston futbol associaciyasi qo'shni mamlakatlar bilan yanada yaqindan hamkorlik qilishga va o'zaro tajriba almashishga hamisha tayyor. Shu o'rinda, Markaziy Osiyo futbol associaciyasi tomonidan turli yosh toifalarida mintaqa birinchiligi tashkil etilgani, biroq milliy terma jamoalar miqiyosida hamon turnir o'tkazilmaganini takidlash zarur. Agar milliy terma jamoalar o'rtasida ham shunday musobaqa yo'lga qo'yilsa, bundan associaciyaga azo mamlakatlarda yashovchi barcha futbol muxlislari birdek xursand bo'lishadi. Afg'oniston, Qirg'iziston, Tojikiston, Turkmaniston, Eron hamda O'zbekiston milliy terma jamoalari ishtirok etadigan musobaqa qita miqiyosida ham katta qiziqishga sabab bo'lishi tayin, - deya O'zbekiston tomoni bunday musobaqa tashkil etishda Markaziy Osiyo futbol associaciyasiga yaqindan ko'mak berishga tayyorligini va musobaqaga mezbonlik qilishdan mamnun bo'lishini bildirdi O'FA Birinchi vice-prezidenti.

Qayd etish lozim, bugun kunning ikkinchi yarmida OFKga azo barcha mamlakatlar delegaciyalari vakillari OFKning yil yakunlariga bag'ishlangan taqdirlash marosimida ishtirok etishdi.

Ravshan Ermatov: "Markaziy Osiyoda milliy terma jamoalar o'rtasidagi musobaqa tashkil etishning vaqti keldi"