Хабарингиз бор, мусобақанинг ҳал қилувчи финал баҳсида Ўзбекистон ва Вьетнам терма жамоалари ўзаро баҳс олиб боришади. Бўлажак ўйинда мухлислар жамоамизнинг ғалабасини кутишмоқда.

Финал олдидан терма жамоа бош мураббийи Равшан Ҳайдаров ўз фикрлари билан ўртоқлашди:

- "Биз мусобақада ҳозирча бешта ўйин ўтказдик ва ҳар бир баҳс ўзига яраша қийин кечди. Албатта, ҳар қандай ўйин ўзига яраша сабоқдир, ғалаба ёки мағлубият бўлса ҳам. Аммо энди ортда қолган ўйинларни унутиб, эътиборни финалга қаратишимиз керак".

- "Айни пайтда бор эътиборимимз финалда Вьетнамни ютишга қаратилган. Жамоам бу учрашувга тайёр. Биз фақат ғалаба ҳақида ўйлаяпмиз. Барча жамоалар финалда ўйнашни орзу қилади, чунки бу жуда муҳим баҳсдир. Сезиб турибман, финал оғир кечади, рақибимиз Вьетнам ҳам ўзига яраша кучли жамоа. Ҳар ҳолда бундай мусобақаларда кучсиз жамоа ўз-ўзидан финалга чиқиб қолмайди".

Равшан Ҳайдаров: "Бор эътиборимиз финални ютишга қаратилган"