"Спортинг" ҳимоячиси Нуну Мендеш фаолиятини "Реал"да давом эттириши мумкин.

Мадрид клуби 18 ёшли португалияликнинг Лиссабон клубидаги илк ўйинларидан ҳайратда қолди. Чап қанот ҳимоячиси "Реал"да Марселонинг давомчиси бўла олиши айтилмоқда.

Яқинда Нуну Мендеш "Спортинг" билан шартномасини 2025 йилгача узайтирди, янги келишув бўйича унинг товон пули 45 миллион евро этиб белгиланди.

"Реал" аллақачон "Спортинг" билан эҳтимолий трансфер борасида маслаҳатлашган.

Ҳимоячи 2019/20 йилги мавсумда "Спортинг" U23 учун 17 ўйин, U19 жамоаси учун битта ўйин ўтказган, шунингдек, асосий таркибда 9 ўйинда майдонга тушган (уларнинг 7 таси асосийда).

"Реал" 18 ёшли "Спортинг" ҳимоячиси Нуну Мендешни харид қилмоқчи