Клуб италиялик мураббий Антонио Контега жиддий қизиқиш билдирмоқда, дея хабар берди "Todofichajes".

Агар Хаби Алонсо ва Юрген Клопп билан музокаралар муваффақиятсизликка учраса, Конте "қаймоқранглилар" учун истиқболли вариантга айланиши мумкин. Антонио Конте ҳозирда "Наполи" бошқарувидаги илк мавсумини ўтказмоқда, бироқ унинг кетиши мумкинлиги ҳақидаги миш-мишлар аллақачон фаол муҳокама қилинмоқда.

"Реал" Контени жамоага тез мослашиб кетадиган ва уни ғалаба сари етаклайдиган мураббий сифатида кўради. Италиялик ўзининг амбициялари ва сермаҳсул меҳнати билан танилган:

Конте мураббийлик фаолияти мобайнида "Ювентус" билан (2011–2014) уч марта А Серия чемпиони (2011/12, 2012/13, 2013/14) бўлган, икки марта Италия Суперкубоги (2013, 2015) ва бир марта Италия Кубогини (2015) қўлга киритган.

"Челси"да (2016-18) АПЛ (2016/17), Англия Кубоги (2017/18) ва Англия Суперкубогини (2017) ютган.

"Интер" билан (2019–2021) А Серия (2020/21) чемпионига айланган ва 2021 йил Италия Суперкубогига эгалик қилган.

"Реал" Анчелотти ўрнига 10 йилда 11 та соврин ютган мураббийни олиб келмоқчи