Marca nashrining yozishicha, Madrid klubi prezidenti Florentino Peres va jamoa bosh murabbiyi Karlo Anchelotti Karim Benzemani eng kerakli futbolchilardan biri deb bilishadi. Uning shartnomasi 2023 yilning yoziga qadar amal qiladi, ammo “Real” rahbarlari franciyalik futbolchi jamoada yana kamida ikki mavsum o'ynashiga ishonch hosil qilishmoqda. Tez orada Benzema bilan 2024 yilning yoziga qadar yangi shartnoma imzolanadi, bunga hech kim shubha qilmayapti.

Shartnoma muddati uzaytirilayotganiga qaramay, madridliklar allaqachon kelajak uchun yangi hujumchi izlamoqda.

Hozirda "Real Madrid" bir nechta futbolchilarning kelajagi haqida qaror qabul qilishni o'ylamoqda. Klub tarkibni ortiqcha futbolchilardan xalos qilmoqchi, keyin esa yangi transferlar haqida o'ylab ko'radi.

34 yoshli Benzema o'tgan mavsumda "Real" safida 46 o'yinda 44 gol urdi va 15 golga assistentlik qildi.

"Real" Benzema bilan shartnomani uzaytiradi