"Реал Мадрид" ижтимоий тармоқларда "Сантьяго Бернабеу"нинг уникал чим қопламаси ҳақидаги видеороликларни тақдим этди.

Янги тизим чимни бўлакларга бўлган ҳолда ер остида жойлашган махсус жойда сақлашга имкон беради. Ер остида махсус мосламалар чимни парвариш қилишда (суғориш тизими, фитолампалар) давом этади. Барча жараён автоматлаштирилган.

Бундан ташқари клуб стадиондан максимал фойда олиш мақсадида бу ерда киберспорт билан шуғулланиш тизим, ресторанлар, дўконлар ва музей ташкил қилмоқчи. Режага кўра, стадион йилига 300 кун ишлайди. Ҳайратланарлиси шуки, стадионда баскетбол ва теннис ўйинлари ҳам ўтказиш режалаштирилган. Видеода стадион қандай қилиб ўз шаклини баскетбол майдони ёки теннис кортига айлантирганини кўриш мумкин. "Реал Мадрид"нинг ҳисоб-китобларига қараганда, ушбу қўшимча имкониятлар йилига қўшимча 150 млн евро даромад олиб келади.

Яхшиси, видеони ўзингиз кўрганингиз маъқул:

"Реал" "Бернабеу"нинг йиғиладиган чим қопламасини кўрсатди. Стадионда концертлар, баскетбол ўйинларини ўтказса бўлади