"Real" hamda "Atletiko" o'rtasidagi Ispaniya Superkubogi yarim finalida Xaver Alberola Roxas ishlaydi. U ushbu jamoalarning 24 sentyabrdagi bahsida ishlagan va "Qirollik klubi" joriy mavsumdagi yagona mag'lubiyatini (1:3) o'sha uchrashuvda qayd etgan edi.

"Atletiko"dan qabul qilib olingan mag'lubiyatdan so'ng "Real" TV vakillari hakam "Negreyra o'g'lidan ko'rsatmalar olgan" deb, "Atletiko"ning birinchi goli bekor qilinishi, Ximenes chetlatilishi va Ermosoning qo'liga tekkan to'p uchun penalti belgilanishi kerakligini takidlashgandi.

Bugun "Real" TVdagilar Roxas Superkubokda ishlashini tanqid qilishdi.

"Joriy mavsumdag yagona mag'lubiyat Roxas ishtirokidagi o'yinda bo'lgan" - dedi boshlovchi. TVdagilarning aytishicha, "Real" ushbu hakam ishlagan bahslarning 50%da g'alaba qozongan ekan.

"Real" hamda "Atletiko" o'rtasidagi Ispaniya Superkubogi yarim final bahsi 10 yanvar kuni bo'lib o'tadi.

"Real" TVdagilarga hakamlar yoqmayapti