27 ёшли футболчининг хизматларига "Реал" клуби қизиқиш билдирмоқда. Мадрид клуби раҳбарияти Манени ёздаги асосий трансфер мақсади сифатида белгилаб олди.

Хабар қилинишича, "Ливерпуль" жорий йилда Мане билан хайрлашишга тайёр эмас, фақатгина "Реал"нинг 140 миллион фунт стерлинглик таклифи инглиз клубини аксинча иш тутишга мажбур қилиши мумкин.

Эслатиб ўтамиз, Мане "Ливерпуль"га 2016 йилда "Саутгемптон"дан ўтган эди. Унинг мерсисайдликлар билан тузган шартномаси 2023 йилнинг июнига қадар мўлжалланган. Қайд этиш керакки, Манега "Барселона" ҳам қизиқиш билдирмоқда.

Сенегаллик футболчи жорий мавсум АПЛда 26та ўйинда майдонга тушиб, 14та гол ва 9та ассист қайд этди.

"Реал"нинг ёздаги асосий трансфер мақсади - "Ливерпуль" ҳужумчиси