"Бавария" ярим ҳимоячиси Ренату Саншеш шу ёзда жамодан кетишни хоҳламоқда, аммо мюнхенликлар унинг хоҳишини инобатга олишаётгани йўқ.

"Ҳозирги вазият мен учун яхши деб бўлмайди. Мен иккинчи марта жамоадан кетишни хоҳлаяпман. Аммо, "Бавария" мени қўйиб юбормайди. Менга 5 дақиқа ўйнаш етмайди", - дейди Саншеш.

Ўтган кузда ва қишда Ренату Саншеш ПСЖ билан алоқага киришди, аммо "Бавария" бу трансферга рози бўлмади.

Бундеслиганинг биринчи тури доирасида "Герта" (2:2)га қарши ўйинда Саншеш захирага қолдирилди. У 86-дақиқадагина Томас Мюллернинг ўрнига майдонга туширилди.

Ренату Саншеш: "Кетишни хоҳлайман, аммо "Бавария" мени қўйиб юбормайди"