Учрашув Париждаги "Парк де Пренс" ўйингоҳида бўлиб ўтди. Ўйин стартида Бразилия терма жамоаси ирқчиликка қарши турдилар ва "Қора ўйинчиларимиз бўлмаганида, либосимиздаги юлдузчалар бўлмас эди" баннери билан чиқдилар.

Тунис дарвозасига киритилган иккинчи тўп муаллифи Ришарлисон голни нишоллаётган чоғида у томон банан улоқтирилди. Футболчи бу ҳаракатни бутунлай эътиборсиз қолдирди. "Манчестер Юнайтед" аъзоси Фред эса мевани майдон четига тепиб юборди ва оломонга тикилиб қолди.

Париждаги ҳодисадан сўнг Бразилия Футбол Конфедерацияси расмий муносабат билдирди: "БФК ирқчиликка қарши кураш бўйича ўз позициясини мустаҳкамлайди ва унинг ҳар қандай кўринишини рад этади".

Ришарлисонга банан улоқтиришди