“Usmon Dembele uch yil ilgari klubga kelib qo'shildi va unga o'zini ko'rsatish uchun etarlicha vaqt bo'ldi. Menimcha, u “Barsa”da hech qachon o'z darajasini namoyish eta olmaydi.

Usmon etarlicha potencialga ega futbolchi, ammo o'ylashimcha, joriy yilning yozida “Barselona”da futbolchini sotish yoki o'zi uchun muhim bo'lgan boshqa futbolchiga almashtirish imkoni bor.

U jarohatlar girdobida qoldi. Ammo ayrim vaziyatlarda o'zini ko'rsatib, asosiy tarkibga loyiq ekanligini isbotlash uchun imkoniyat bo'ldi. Biroq hammasi kutilganidek kechmadi va o' o'z imkoniyatlarini boshqa klubda sinovdan o'tkazishi yaxshi o'ynab, o'ziga bo'lgan ishonchni qaytarishi mumkin.

“Barselona” yozda Neymar va Lautaro Martinesni qo'lga kiritish ilinjida. Shu bois Dembelega asosiy tarkibga kirish oson bo'lmaydi.

Qolversa, yangi futbolchi sotib olish uchun “Barselona” o'z tarkibidan bir qator futbolchilarni transferga qo'yib, moliyaviy holatini yaxshilab olishi ham talab etiladi. Yangi futbolchilar tarkibga qo'shilganidan keyin, ayrim futbolchilar bilan xayrlashishga ham to'g'ri keladi”, deydi Rivaldo.

Rivaldo: “Yozda Dembeleni sotishning ayni vaqti”