O'yin haqida

- Uchrashuv kutilganidek og'ir o'tdi. Jismoniy jihatdan mezbonlar kuchli o'yin namoyish etdi. Qarshi hujumlarda gol o'tkazmaslikka harakat qildik. Umumiy jihatdan aytadigan bo'lsam, yaxshi o'yin bo'ldi.

- Uchrashuv davomida jamoangiz asosan qarshi hujumga tayanib o'ynadi. Birinchi bo'limdan so'ng hisob 0:0 vaqtida nega uslubni o'zgartirmadingiz? Yoki uslubni o'zgartirishga "So'g'diyona"ning o'yini yo'l qo'ymadimi?

- Bizni asosiy rejamiz 90 daqiqa davomida yaxshi o'yin ko'rsatish edi. Uchrashuvning ikkinchi qismida zaxira futbolchilarini maydonga tashlab o'yinimizni kuchaytirishni maqsad qilgandik. Ikkinchi bo'limda yuzaga kelgan vaziyatdan foydalana olmadik. O'yin so'ngida mezbonlar tomonidan tashkil etilgan ajoyib hujum golga aylandi.

Futbolchilarimning hech biridan hafa emasman. Ular bugun maydonda borlarini berib harakat qilishdi. Bugun "So'g'diyona" vakillari tomonidan kuchli hujumlar tashkil etildi. Bundan tashqari, darvozabonni ham etirof etish joiz, kerakli vaziyatlarda yaxshi seyvlarni amalga oshirdi.

- Jamoangiz raqibni yaxshi o'rganibdi, bu o'yin davomida ko'rindi. "So'g'diyona"ni chempionlik yo'lidagi imkoniyatlarini qanday baholaysiz?

- "So'g'diyona" juda kuchli jamoa. Bu klubning alohida akademiyasi va bazasi mavjudligi moliyaviy jihatdan barqaror ekanini ko'rsatadi. Bu jamoadan kelajakda yaxshi o'yinlarni kutayapman. Bugungi mag'lubiyat biz uchun juda og'ir bo'ldi.

Bu bosqichga etib kelish oson bo'lgani yo'q. Bosib o'tgan yo'limizda bir qator kuchli raqiblarni ortda qoldirib bu ergacha etib keldik. Gongkongda pandemiya muhiti hukmron bo'ldi, shu bois mashg'ulotlarni o'z maydonimizda o'tkaza olmadik. Shunga qaramasdan turnir davomida yaxshi natija ko'rsata oldik deb o'ylayman.

Roberto Losada: "Futbolchilarimdan hafa emasman, ular bugun juda yaxshi o'yin namoyish etishdi"