"Al Nassr" klubi hujumchisi Krishtianu Ronaldu Qatarda o'tkazilgan Jahon chempionatidan so'ng termadan ketish haqida o'ylagani haqida gapirib berdi.

"Yolg'on gapirmayman. Hayotdagi barcha qarorlarni tarozi pallasiga qo'yib ko'rish kerak. Oilam bilan Portugaliya terma jamoasidan ketish haqida o'yladik. Yakunda esa qiyin vaziyatda taslim bo'lmaslikka qaror qildik. O'shanda vaziyatga turli tomonlardan qaray oldim. Ko'p narsa o'rgandim va hozir qaytganimdan mamnunman.
Murabbiy men uning rejalariga kirishimni aniq tushuntirdi. Har doim o'ynashni istaganman. Murabbiy men bilan gaplashdi. Shundan so'ng, men terma jamoaga berishim mumkin bo'lgan narsalar borligini angladim.
Portugaliyani eng yuqori cho'qqiga olib chiqish – bu mening istagim", -deydi Krishtianu Ronaldu.

Ronaldu Qatardagi JCHdan so'ng terma jamoadan ketish haqida o'ylagan, ammo yakunda taslim bo'lmaslikka qaror qilgan