U o'g'lining "Manchester Yunayted"ni tark etishga yaqin ekanidan xursand. Uning orzularidan biri ro'yobga chiqishga yaqin kelmoqda, deb hisoblaydi.

Doloresh xonim o'g'li Krishtianu va 12 yoshli nevarasi Krishtianino Lissabonning ular uchun sevimli "Sporting"ida birga o'ynashlari mumkinligi haqida aytib o'tdi. U Portugaliya jurnaliga Ronaldu qaytib kelishi lozimligi, agar hammasi unga bog'liq bo'lganida u allaqachon shu erda bo'lgan bo'lishini bildirdi. Shuningdek:

"Men allaqachon unga aytdim: O'g'lim, o'limimdan oldin sening yana "Sporting"da o'ynayotganingni ko'rishni istayman. Bu joriy yilda amalga oshmadi, balki kelasi yil bo'lar. Agar u bu istagimni bajara olmasa ham, Krishtianino buni bajaradi. U shu yoshida otasi o'ynaganidan yaxshiroq o'ynaydi. 12 yoshida Krishtianuning murabbiyi yo'q edi, lekin u hozir o'g'liga ustozlik qilyapti", – dedi Krishtianu Ronalduning onasi Doloresh Aveyru.

Ronalduning onasi uni yana "Sporting" libosini kiyishga ko'ndirmoqchi