Odil Ahmedov to'p tepayotgan "Krasnodar" jamoasi ushbu turda Moskvaning "Dinamo" klubi mehmoni bo'ldi. Oleg Kononov boshchiligidagi "Krasnodar" Moskvada kechgan bahsda ishonchli va yirik hisobdagi g'alabani tantana qilishdi. Dastlab mezbonlar futbolchisi Aleksey Ionov o'yinning 27-daqiqasida hisobni penaltidan ochgan bo'lsa, Pavel Mamaev oradan 4 daqiqa o'tib aynan 11-metrlik jarima zarbasidan muvozanatni tikladi. Birinchi bo'lim hech bir jamoaning hisobdagi ustunligisiz tugadi - 1:1.
Ikkinchi bo'lim debyutida Vyacheslav Podberyozkin Mamaevning to'p oshirishidan so'ng jamoasini hisobda oldinga olib chiqdi. Uchrashuvning 69-daqiqasida esa Fyodor Smolov hamyurtimiz Odil Ahmedovning to'p uzatishidan so'ng hisobdagi ustunlikni yana bittaga oshirdi. O'yin tugashiga 8 daqiqa qolganida esa nihoyat Odil Ahmedovning o'zi o'z nomini tabloga yozdirib qo'yishga muvaffaq bo'ldi. O'zbekiston terma jamoasi sardori Odil Ahmedov jamoadoshi Pereyradan to'pni qabul qilib oldi va bir raqib futbolchisini juda chiroyli tarzda aldamchi harakat bilan aldab, jarima maydonchasi oldidan chiroyli uslubda darvozani aniq nishonga oldi - 1:4.

Ushbu gol o'yinda yakuniy natijani o'rnatdi va "Krasnodar" safarda "Dinamo" ustidan kerakli va muhim g'alabani nishonladi.

Rossiya chempionati, 22-tur. Turnir jadvali

Dinamo – Krasnodar 1:4 (1:1, 0:3)

Arena Ximki

Gollar: 1:0 – 27, penalti Ionov, 1:1 – 31, penalti Mamaev, 1:2 – 47 Podberezkin, 1:3 – 69 Smolov, 1:4 – 82 Odil Axmedov.

Dinamo – Gabulov, Dyakov, Xulmen, Eshhenko, Morozov, Ionov, Jivoglyadov, Zobnin (Tashaev, 77), Dragun (Kuzmin, 55), Sosnin, Bechiray (Pogrebnyak, 46).

Krasnodar – Kricyuk, Grankvist, Sigurdsson, Kaleshin, Petrov, Odil Ahmedov, Kabore, Podberezkin (Ari, 64), Pereyra, Mamaev (Bystrov, 79), Smolov (Markov, 82).

Ogohlantirishlar: Dragun (30), Smolov (32), Kaleshin (61), Pereyra (73).

Rossiya chempionati, 22-tur. "Krasnodar"dan yirik g'alaba, Odil Ahmedov gol urdi va golga assistentlik qildi