• “Rostov Arena” guruh bosqichining 4ta o'yini va 1/8 final bosqich uchrashuvi bo'lib o'tadi
• Stadion Don qirg'og'ining chap qismida joylashgan
• Arena mundialdan so'ng, mahalliy futbol klubi “Rostov”nig asosiy stadioni bo'ladi

Aynan shu arenada besh karra jahon chempionlari Braziliya terma jamoasi yulduzlari turnirdagi birinchi o'yinlarini o'tkazishini takidlab o'tish lozim.

O'yinlar
“Rostov Arena” stadioni Jahon Chempionati guruh bosqichining 4ta o'yinini qabul qiladi. Aytib o'tganimizdek, Braziliya va Shveycariya aynan shu erda o'ziing turnirdagi ilk o'yinini o'tkazadi. Shuningdek, “Rostov Arena”da 1/8 finalning "G" guruh g'olibi "H" guruhida 2-o'rinni egallagan jamoa bilan bahs olib boradi.

Imkoniyatlari
Jahon Chempionati-2018 uchun qurilgan “Rostov Arena” stadioniga 45 000 tomoshabin tashrif buyurishi mumkin.

Joylashgan o'rni
Rostov-na-Donu shahrining Don daryosi chap qirg'og'ida joylashgan stadion bir qarashdayoq hammani o'ziga maftun qila oladi. Muxlislar JCH-2018 vaqtida, Don daryosining qirg'og'ida, maroqli dam olishlari, milliy urf-odatlar bilan tanishishlari va ko'plab kafe hamda restoranlarda mahalliy taomlardan tatib ko'rishlari mumkin bo'ladi

Bilasizmi?
Jahon chempionatidan so'ng, shahar hokimiyati stadion joylashgan tumanni sport sog'lomlashtirish majmuasiga aylantirishni rejalashtirmoqda. “Rostov Arena”dan tashqari, unga greblachilar uchun kanal va suv sport turlari uchun akvatoriya, muz va gandbol komplekslari, ot sporti maktabi kiradi. Ushbu imkoniyatlardan nafaqat professional sportchilar, balki soha ishqibozlari, shu jumladan, talaba va o'quvchilar ham foydalanishi mumkin.

Dastlabki o'yinlar
Hozir “Rostov Arena”da Jahon Chempionati-2018ga tayyorgarlikning so'nggi bosqichi ketyapti. “Rostov” futbol klubi Rossiya Premer-ligasining hozirgi mavsumida bir necha o'yinlarni uyda o'tkazishi rejalashtirilmoqda.

Meros
“Rostov” klubi Evropada o'tgan mavsumda ko'pchilikning etiboriga tusha oldi: Rossiya chempionatida 2-o'rinni egalladi va Chempionlar Ligasiga yo'llanmani qo'lga kiritdi. Guruhda Germaniya chempioni bilan bir guruhdan o'rin olgan "Rostok", kutilmaganda “Bavariya” ustidan g'alaba qozondi. Jamoa hozirgi kunda 15 000 tomoshabinga mo'ljallangan “Olimp-2” stadionida o'ynamoqda. Biroq, mundialdan so'ng, o'zining jonajon “Rostov Arena”siga qaytib keladi.

fifa.com saytidan Nozima Zaripova tarjima qildi

"Lujniki" stadioni haqida nimalarni bilishimiz kerak?

“Rostov Arena” stadioni haqida nimalarni bilishimiz kerak?