Ротор – Спартак 0:1

"Волгоград-Арена"

Гол: 0:1 – 55, пенальти Бакаев.

"Ротор" – Довбня, Гогуа, Манучарян (Султонов, 78), Байрыев, Кверквелия, Давиташвили, Серченков (Жигулев, 61), Алейник (Песегов, 78), Макаров (Кожемякин, 81), Степанов, Муллин.

"Спартак" – Максименко, Джикия, Жиго, Маслов, Айртон, Крал, Зобнин, Умяров (Тил, 90), Бакаев (Глушенков, 77), Соболев, Ларссон (Ещенко, 82).

Огоҳлантиришлар: Бакаев (5), Макаров (28), Кверквелия (53), Зобнин (65), Байрыев (66), Гогуа (72), Ещенко (90).

УЧРАШУВ ЯКУНЛАНДИ!

90+2. ЗАРБААА! Тўп дарвоза тўсини ва устуни тутушган нуқтага тегди, ҳужумнинг иккинчи тўлқинида дарвозабонга нисбатан қўполлик ишлатилди. Шундан сўнг Соболев "Ротор" футболчисига қарши жанжал уюштирди ва бунинг учун сариқ карточка билан жазоланди.

90+1. Учрашув асосий вақтига 6 дақиқа қўшиб берилди ва шу онда Жигулёв "Ротор" учун жуда яхши стандарт ишлаб берди. Мезбонлар рақиб жарима майдони чизиғи ёнгинасида жарима зарбаси тепишади.

90. "Спартак" сафида яна бир ўзгариш: Умяров ўрнига Тиль майдонда пайдо бўлди.

85. Захирадан ўйинга қўшилган Жигулёв узоқ масофадан "Спартак" дарвозасини нишонга олишга уринди, аммо тўп дарвоза ёнидан ўтиб кетди.

82. "Спартак" сафида яна бир ўзгариш: Ларссон ўрнига Ешенко майдонга тушди.

81. "Ротор"нинг яна бир ҳужуми аниқ зарба билан якунланди. Максименко совуққонлик билан тўпни эгаллаб олди.

77. Ўзгариш: Бакаев ўрнига Глушенков майдонга тушди.

74. ДАҲШАТ! "Спартак" посбони ўз жамоасини муқаррар голдан қутқариб қолди. "Ротор" футболчилари кўпчилик бўлиб қарши ҳужумга ўтишди, бироқ Максименко дарвозага берилган зарбани қайтарди.

72. ЖИГООО! Аввалига Бакаев яқин масофадан тўпни "Ротор" дарвозасига йўллади, посбон тўпни қайтаргач Зелимхан Жигога пас берди, ҳимоячи ўзига хос усул билан тўпни дарвозага буришга уринди, аммо ҳаммаси у ўйлаганидек бўлмади. Тўп майдонни тарк этди.

67. ЗАРБААА! "Спартак" посбони Максименко Макаров зарбасини катта қийинчилик билан қайтарди, ҳужумнинг иккинчи тўлқини пайтида эса ҳакам офсайд борлигини кўрсатди.

64. "Спартак" Ларссон ва Бакаев орқали тезкор ҳужум уюштирди, аммо Зелимхан дарвозага зарба бериш ўрнига тўпни Ларссонга узатиб, хатога йўл қўйди ва тўпни олдирди.

63. Бакаев Соболевнинг пасидан сўнг рақиб жарима майдончаси ичидан "Ротор" дарвозасига зарба берди. Зелимхан кўпроқ зарба кучига эътибор бергани туфайли тўп дарвозага аниқ бормади, унинг ёнидан ўтиб кетди.

60. Жикия жароҳат олган кўринади. Шифокорлар унга тиббий ёрдам кўрсатишмоқда. Футболчи ҳаводаги курашдан сўнг майдонга ноқулай йиқилган экан.

55. ГОООЛ! Ҳисоб очилди! 0:1! Бакаев тўпни чап бурчакка йўллади ва тўп устунга тегиб, дарвозага кирди.

53. Пенальти! "Спартак" ҳужумчиси Соболев ўз жамоаси учун 11 метрлик жарима зарбаси ишлаб олди.

49. Ҳозирча ўзгаришлар бўлгани йўқ. Остон машғулотларни бошлаши ёки майдонга тушиши маълум бўлса, тезда хабар қиламиз.

46. Иккинчи бўлим бошланди.

ТАНАФФУС

45. Биринчи бўлимга 1 дақиқа қўшиб берилди.

40. ЗАРБААА! "Ротор" ҳисобни очишга жуда яқин келди. Кетма-кет зарбаларни "Спартак" дарвозабони, ҳимоячиси қайтариб қолди.

37. Бакаев ўнг қанотдан жарима майдончасига кириб, чап оёқ орқали узоқ бурчакни нишонга олишга уринди. Зарба кучсизлиги туфайли Добвня тўпни эгаллаб олди.

32. СОБОЛЕЕЕВ! Сашанинг жарима майдончаси чизиғи устидан берган зарбасидан сўнг тўп рақиб футболчисига тегиб, дарвоза ёнгинасидан ўтиб кетди.

30. "Спартак" жуда яхши ўйнаяпти: Аниқ паслар, тўпга эгалик қилиш. Бироқ сўнгги аниқ зарбани берадиган футболчи топилмаяпти.

28. Соболевга нисбатан ишлатилган қўполлик учун Макаровга сариқ карточка кўрсатилди.

22. Зарба! Зобнин жарима майдони ичида дарвозага тескари туриб зарба берди, зарба кучсиз бўлгани учун посбон тўпни эгаллашга қийналмади.

18. "Спартак" жуда фаол, аммо рақиб жарима майдончасига киришда муаммоларга дуч келмоқда.

17. Ларссон "Ротор" жарима майдонида йиқилди, аммо ҳакам бу вазиятда қоида бузилмади деб топди.

14. "Ротор"дан "Спартак" дарвозаси томон дастлабки зарба. Муллин зарбасидан сўнг тўп дарвоза устидан ўтиб кетди.

11. ЗАРБААА! Жиго қанотдан узатилган тўпга йиқилаётиб зарба берди, тўп дарвоза устидан ўтиб кетди.

10. "Спартак" рақиб жарима майдончаси олдида стандарт ишлаб олди. Тўп қаршисида Жикия. Унинг зарбасидан сўнг тўп жонли деворга тегиб майдонни тарк этди.

8. Айртон тезкор қарши ҳужум ташкил қилди ва ўша ҳужумни зарбаси билан якунлади. "Ротор" посбони Добвня зарбадан сўнг тўпни эгаллаб олди.

5. Баҳс бошланиши билан "Спартак" футболчисига сариқ карточка кўрсатилди. Рақиб футболчиси Бакаев унинг томоғига зарба берди деб ётиб олди, аммо такрорий лавҳада қўл енгилгина тегиб кетган экан.

3. "Спартак" тезлик билан ўйин назоратини қўлига олди ва рақиб жарима майдончаси атрофида вазиятлар яратишга ҳаракат қилмоқда.

1. Учрашув бошланди.

- Афсуски, Ўрунов бугун ҳам асосий таркибда эмас. Ҳамюртимиз захирадан ўйинга қўшилишини умид қиламиз.

- Ассалому алайкум сайтимиз ўқувчилари. Бир неча сониялардан сўнг Остон Ўрунов тўп тепаётган "Спартак" иштирокидаги баҳс бошланади. Бугун меҳмонлар "оқ", "Ротор" эса кўк рангли либосларда ҳаракат қилишади.

Ротор – Спартак

20.30, «Волгоград-Арена»

«Ротор»: Довбня, Байриев, Кверквелия, Степанов, Гогуа, Манучарян, Алейник, Макаров, Серченков, Давиташвили, Муллин.

Захирадагилар: Репин, Кожемякин, Николаев, Матрикарди, Песегов, Султонов, Жигулев.

«Спартак»: Максименко, Жикия, Маслов, Жиго, Айртон, Зобнин, Бакаев, Умяров, Крал, Соболев, Ларссон.

Захирадагилар: Ребров, Акмурзин, Ещенко, Кутепов, Рассказов, Гапонов, Голосов, Мирзов, Маркитесов, Тилль, Ўрунов, Глушенков.

РПЛ. Ўрунов дебюти яна қолдирилди, бироқ "Спартак" ғалабага эришди