Unda "Nasaf" bosh murabbiyi Ro'ziqul Berdiev jurnalistlar savoillariga javob qaytardi.

"Al Faysali" – kuchli va mahoratli futbolchilarga ega, o'yinni yaxshi tashkil qiladigan jamoa. Biz jamoaning 2 ta o'yinini tahlil qilib chiqdik va tasavvurga egamiz. O'ylaymanki, jamoamiz ertangi o'yinga har tomonlama tayyor", – dedi Ro'ziqul Berdiev.

- "Al Faysali" "Al Sadd"dek kuchli klubni mag'lub eta oldi. Jamoaning qaysi tomonlama omadi keldi deb o'ylaysiz?

- Omadga bog'lamagan bo'lardim. Biz ko'rdikki, jamoa har ikki turda juda yaxshi harakat qildi. "Al Faysali" jamoaviy yaxshi o'ynaydi. O'yinchilarining saviyasi yuqori. Ularning qabul qilgan qarorlari evaziga jamoa zafar quchdi.

- Sizningcha, "Al Faysali"ning kuchsiz taraflari nimada?

- Buni bu erda muhokama qilmoqchi emasman. Tahlil qilib chiqdik. Albatta, "Al Faysali"ning ham kuchli va kuchsiz tomonlari bor. Alohida aytish kerak, "Al Faysali" juda tartibli o'ynaydigan, kuchsiz taraflarini ko'rsatmaydigan jamoadek ko'rindi.

Eslatib o'tamiz, uchrashuv 15 apreldan 16 aprelga o'tar kechasi 01:15 da boshlanadi.

Ro'ziqul Berdiev: "Al Faysali" juda tartibli o'ynaydigan, kuchsiz taraflarini ko'rsatmaydigan jamoadek ko'rindi"