O'yin haqida

- G'alaba uchun ham, Bobir Abdixoliqov uchun ham juda ham xursandmiz. O'yin nazoratimiz ostida o'tdi. Xotirjam g'alabaga erishdik. Tezkor gol ishimizni engilashtirdi. Shundan so'ng raqib oldinga o'tishga majbur bo'ldi va bu holat bizning imkoniyatlarimizni oshirdi.

- Bugun o'yin amaliyoti kam futbolchilarga imkon berdingiz. Bu Superkubokdan so'ng jamoa asosiy tarkib vakillariga dam berish maqsadida edimi? Yoki raqibdan kelib chiqib shunday uslub tanlandimi?

- Bunga bog'liq jihatlar ko'p edi. Bizda Superkubokdan keyin ayrim futbolchilarda toliqish holatlari bor edi. Shuningdek, poziciya bo'yicha o'zgarishlar qildik. Bobir Abdixoliqovni oldinga chiqardik. Kenjaboev o'rnida Temur o'ynadi. Bir necha sabablar bor. Barchasi vazifasini yaxshi bajarishdi.

- Jamoaga taklif etilgan futbolchilar borasida bazan bosh murabbiy xato qilgandek ko'rinadi. Lekin turlicha o'yinlar bor va jarayonga qarab kishidagi fikr o'zgaradi. Masalan, bugun Bobir Abdixoliqov borasida barchadagi fikr ijobiy bo'ldi. Shu haqida fikringiz?

- Biz futboldamiz, bu haqida avval ham aytganman. Futbolda barchaga birdek yoqish qiyin, har kim turlicha fikr bildiradi. Bu narsaga ko'p etibor qilmaymiz. Biz kimni jamoaga taklif qilsak, futbolda kirishib ketish degan muhim jihat bor. Hozir ko'rayapmiz, jamoamizga taklif etilgan futbolchilar o'yindan-o'yinga yaxshi tarafga o'zgarayapti.

- "Nasaf" Qarshida 2018 yildan buyon yuta olmayotgandi. Qanday faktor jamoa "Lokomotiv"ni yuta olmayotganiga sabab bo'lgandi?

- Statistika bo'yicha shunday ekanmi? Bunga qaramagan ekanman. Bu "Qora anana"ni buzganimdan xursandmiz. Bu statistika to'g'ri bo'lsa, biz uchun juda muhim g'alaba bo'libdi.

Ro'ziqul Berdiev: "Bobir Abdixoliqov uchun xursandmiz"