O'yin haqida
- Bugungi o'yin chempionatimizdagi eng yaxshi uchrashuvlardan biri bo'ldi. Bunga muhitni ham, o'yinni ham sabab sifatida ko'rsatsak bo'ladi. Mana shu kabi o'yinlar ko'p bo'lsa, chempionatimizning saviyasi, darajasi ko'tarilganidan dalolat beradi.
Uchrashuvni yaxshi boshladik, gol urib oldik. Standart vaziyatga etibor qaratishimiz lozim edi, afsuski gol bilan tugadi. Umuman "Andijon" jamoasi kurashuvchan raqib. Bugungi durangdan boshqa klublar manfaat topdi nazarimda.
- "Nasaf" bugun ochko yo'qotdi degan fikrlar aytildi. Sizning bu boradagi qarashingiz qanday?
- Yo'qotishlar hali hamma jamoada bo'ladi. Chempionatimizdagi ko'p jamoalarning darajasi tenglashib borayapti. Bugun g'alaba uchun o'ynagandik. "Andijon" jamoasi o'z muxlislari qarshisida juda yaxshi futbol namoyish etadi. O'yinga qaytadigan bo'lsak, goldan so'ng biz oddiy futbol ko'rsatishga o'tib qoldik. Ikkinchi bo'limda o'zgarishlar to'p nazoratiga zamin yaratdi, vaziyatlarimiz bo'ldi, biroq golga aylantira olmadik.
- Javohir Sidiqov zaxirada qolganiga sabab nima?
- Jamoamizda raqobat bor. Biz barchaga imkon berib borayapmiz. Javohir "Paxtakor"ga qarshi o'yindan so'ng jarohat olgandi.
- "Navbahor"ga qarshi ketma-ket ikkita o'yin o'tkazasizlar. Shu o'yinlar haqida fikringiz qanday?
- Biz barcha jamoa bilan o'ynay olamiz, buni bir necha bor isbotlaganmiz. Shu sababdan barcha jamoalarga qarshi g'alaba uchun maydonga chiqamiz.
Izohlar