O'yin haqida

- Bugungi raqibimiz har tomonlama kuchli va tajribali jamoa edi. Qolaversa, ularning maydonida o'ynadik. Mezbonlar chuqur himoyalanishdi va bu bizga etarlicha qiyinchilik tug'dirdi. Juda muhim uchrashuv edi va yigitlar shunga mos harakat qilishdi.

Birinchi bo'limda mezbonlar futbolchisi birga-bir vaziyatga chiqib borgandi, darvozabonimiz bartaraf etishga erishdi. Agar bu vaziyat gol bilan yakunlanganida biz uchun yanada qiyin bo'lardi. Ikkinchi bo'limda katta kuch bilan hujumga o'tdik. Yuqorida aytdim, bizga g'alaba zarur edi. Muhim 3 ochkoni kuchli raqib maydonida qo'lga kiritdik.

- Legioner futbolchi Lima Kruz bugun chempionlik golini kiritdi deb hisoblaysizmi?

- Ko'rayotgan bo'lsangizlar, Lima oxirgi o'yinlarda juda yaxshi harakat qilayapti. Balki kam gol urayotgandir, ammo raqiblarga bosim qilayapti, kurashlarda faol va jamoamizga katta foydasi tegayapti. Chempionlik goli haqida hozir oldinda o'yinlar bor, lekin u bugun jamoamiz uchun o'ta muhim golni kiritdi.

- Bugun G'olib G'aybullaev oldinga chiqib o'ynadi. U aynan Umar Eshmurodovning o'rnida harakat qildi. Bunga sabab nima?

- Alibek Davronov yo'qligi tufayli biz G'olib G'aybullaevni o'sha chiziqda o'ynatdik. Ko'proq oldinga chiqishining sababi vaziyat shuni taqozo qildi.

Ro'ziqul Berdiev: "Chempionlik goli? Bunday deyishga erta"