"Yutqazgan o'yinarimizning barchasida raqib jamoa murabbiylari, muxlislar yaxshi o'ynadinglar deb takidlamoqda. Ammo bizda ochko yo'q. "Al Jayish" jamoasi qarshi hujumda juda xavfli. Buni unutmagan holda harakat qilamiz. Ertangi uchrashuvda biz 12- o'yinchi bilan harakat qilamiz va ishqibozlarimizni g'alaba bilan xushnud qilamiz deb o'ylayman. Stadionga keladigan muxlislarimiz bizni qo'llab-quvvatlashsa, bu narsa futbolchilarimizga qo'shimcha kuch beradi. Bizni og'ir va oson bo'lmagan bahs kutib turibdi. Ochko yo'qotishga haqqimiz yo'q. Tartibli, shiddatkor futbol orqali o'z maqsadimizga erishamiz deb umid qilaman. Hujumda o'ynagan holda raqibning qarshi hujumlaridan ehtiyot bo'lishimiz lozim. Bahrom Abduraximov kechadan boshlab mashg'ulotlarga qo'shildi. Unda biroz og'riq bor, ammo o'zining aytishicha, maydonga tushib jamoaga yordam berishga tayyor. Hujumda kim o'ynashini esa ertaga o'yin oldidan hal qilamiz. Futbolchilardan ortiqcha bosimni olib tashlab, o'z o'yinimizni namoyish qilishlari uchun tayyorlaymiz. Xotirjam o'ynashimiz lozim", - dedi Ro'ziqul Berdiev.

Sherzod Azamov: Ertangi bahsda ochko yo'oqtishga haqqimiz yo'q. Bizni faqat g'alaba qanoatlantiradi. Har bir ochko yo'qotilishi bizni pley-offdan uzoqlashtiradi. Biz "Al Jayish"ga qarshi o'yinga tayyormiz. Xudo xohlasa "Al Jayish" bilan bo'ladigan uchrashuvda g'alaba qozonamiz. Raqib tarkibida bir qator kuchli va malakasi yuqori futbolchilar ko'p. Hamdallah, Romarino, Rashidov singari havfli futbolchilar bor. Hamdallahning ustun jihati uning texnikasi yuqori va katta tajribaga ega. Uning to'p bilan muomala qilish sanati yuqori darajada. Umid qilamizki, ertaga bo'ladigan bellashuvda o'z maqsadimizga erishamiz.

Ro'ziqul Berdiev: "Ertaga 12-o'yinchi bilan harakat qilamiz"