O'yin haqida...

Assalomu alaykum barchaga. Sizlar bilan uchrashuv turganimizdan juda xursandimiz. OCHL katta musobaqa. Ushbu turnirda kuchli jamoalar va tajribali futbolchilar harakat qiladi. Ertangi o'yin ham bundan mustasno emas. “Al Faysaliy” jamoasining o'yinlarini tahlil qilib chiqdik, ular hujumkor o'yin ko'rsatar ekan. Biz ham doim hujumkor o'yin ko'rsatamiz. Menimcha, ertangi o'yin hujumkor bo'ladi.

Sherzod Nasrullaev: Assalomu alaykum matbuot anjumani ishtirokchilari. Ertaga ajoyib uchrashuv bo'lib o'tadi deb o'ylayman. Raqibimiz jiddiy, jamoamiz bo'lajak uchrashuvga tayyor. Xalqimizni, yaqinlarimizni g'alabamiz bilan xursand qilishga harakat qilamiz.

“Al Faysaliy” haqida fikrlaringiz va “Nasaf”ning OCHLdagi maqsadi qanday?

- “Al Faysaliy” jamoasini yaxshilab o'rganishga harakat qildik, ular hozirga kelib, chempionat bahslarining to'rtta uchrashuvida ishtirok etdi. Biz ushbu uchrashuvlarni kuzatdik. Ularning o'yini hujumga asoslangan. Men boshida takidlaganimdek, ular jiddiy va yaxshi o'yin ko'rsatadigan jamoa. Biz ularga qarshi bahs olib borganimizga besh yil bo'ldi. Bu allaqachon tarixga aylanib bo'lgan. Hozirgi holat esa umuman boshqa.

O'tgan yili guruh bosqichidan chiqishni uddalagandik va bu mavsum ham ushbu natijamizni takrorlashni maqsad qilganmiz.

“Nasaf”ning avvalgi o'yinlarini ko'rdik va ushbu bahslarning ko'pida jamoa qiyinchilik bilan g'alaba qozongan. Shundan kelib chiqib, ertangi o'yinga rejalaringiz qanday bo'ladi?

- Biz chempionat, Superkubok va kubok bahslarida ishtirok etdik va g'alaba qozondik. Barcha g'alabalarni safarda qo'lga kiritdik. Bu g'alabalar osonlikcha qo'lga kiritilmadi. Futbol ancha rivojlandi va qiyinlashdi. Jamoalar ancha yaxshi harakat qilyapti, shuning uchun ham g'alabalar ancha qiyin qo'lga kiritilmoqda. Bu O'zbekiston chempionatining saviyasi o'sganidan dalolat beradi.

Biz ertaga tarkibni tanlaymiz, Biz har xil uslubda o'yin ko'rsata olamiz, biz ertangi o'yin taktikasini hozir ochiqlay olmayman. O'zimiz uchun ijobiy bo'ladigan taktikani tanlaymiz.

“Nasaf”ga mehmonda o'ynash qiyinmi yoki sizlarga raqib maydonida harakat qilish osonmi?

- Oxirgi o'yinlarimizni xisobga olsak, biz mehmonda ancha yaxshi o'tkazyapmiz. O'tgan yili OCHL guruh bosqichini ham Saudiya Arabistonida o'tkazgan edik va bu biz uchun omadli yakunlangandi.

Ro'ziqul Berdiev: “Futbol ancha rivojlandi va qiyinlashdi”