Ro'ziqul Berdiev: "Barchaga hayrli kech! Bugun o'yinni yaxshi tashkil qildik. Raqibning kuchli taraflarini ham yopishga harakat qildik. Futbolchilarimiz buning uddasidan chiqishdi. Ikkinchi bo'limda hujumda yaxshi o'ynadik. Bu erga kelishimizdan maqsadimiz anchagina jiddiy edi. O'ylaymanki, buni o'yinlarimiz bilan ko'rsatyapmiz.

Kecha ham aytgandim, hujumni yakunlashda faqat hujumchilar emas, boshqa futbolchilar ham qo'shilishi kerak, deb. Bu narsa amalda bugun isbotini topdi. Bu ruhiyat bilan bog'liq masala. O'ylaymanki, ushbu o'yindan so'ng barchasi yanada yaxshi bo'ladi".

Akmal Mozgovoy: "Bugun yaxshi jamoani yutdik deb o'ylayman. Biz yaxshi o'yin tashkil qila oldik. Murabbiyning barcha ko'rsatmalarini bajardik. Kelasi o'yin ham chiroyli o'yin ko'rsatib, muxlislarimizni xursand qilishga harakat qilamiz".

Savol: Akmal, siz haqiqiy tayanch yarim himoyachisi hisoblanasiz. Lekin faqat bugunmas, avvalgi o'yinlardam ham shunday epizodlar bo'ldiki, sizda ko'p yaxshi imkoniyatlar bo'lyapti, bugun ham ikkita gol urdingiz. Bu narsalar murabbiy ko'rsatmasimi?

Akmal Mozgovoy: "Murabbiyimiz ham aytadi, ko'p holatlarda kimdir oldinga borsa, kimda orqada qolish kerak, deb. Vaziyatga qarab o'ynaymiz. Ayrim holatlarda o'zim chiqyapman".

Ro'ziqul Berdiev: "Hujumni yakunlashda faqat hujumchilar emas, boshqa futbolchilar ham qo'shilishi kerak degan fikrim bugun amalda isbotini topdi"