- Бугунги учрашувда ҳакамнинг қарорлари кўп вазиятларда рақибимиз фойдасига ҳал бўлди. Бизга эса ўз ўйинимизни кўрсатишга имкон берилмади. Ўйин ҳақида тўхталадиган бўлсам, “Локомотив” жамоасининг ғалабасини тан оламан. “Локомотив” кучли жамоа, буни тан олиш керак. Бундай жамоа ҳакамларнинг ёрдамига муҳтож эмас.

Учрашувда рақибимиз ҳимоячиларимизнинг қўпол хатоларидан унумли фойдаланишиб, голлар уришга эришди. Дастлабки бўлимга нисбатан иккинчи бўлимда яхшироқ ўйин намойиш этдик. Аммо вазиятлардан фойдалана олмадик. Биринчи бўлимдаги таркибимизда бўлган ўзгаришга тўхталадиган бўлсам, Шерзод Аъзамовни алмаштиришга мажбур бўлдик, унда чарчоқ аломатлари сезилди ва тезкор ҳаракат қиладиган Дониёр Нарзуллаевни майдонга туширдик.

Иккинчи голимиз тоза гол эди, ҳеч қанақа ўйиндан ташқари ҳолат ҳам йўқ эди. Аммо учрашув ҳаками Бобур Абдуҳолиқовни қўли билан ўйнади деб, голни ҳисобга олмади. Бунда ҳам ҳакамнинг қарори тушунарсиз бўлди.

Рўзиқул Бердиев: “Локомотив” - ҳакамларнинг ёрдамига муҳтож жамоа эмас"