- Bugungi uchrashuvda hakamning qarorlari ko'p vaziyatlarda raqibimiz foydasiga hal bo'ldi. Bizga esa o'z o'yinimizni ko'rsatishga imkon berilmadi. O'yin haqida to'xtaladigan bo'lsam, “Lokomotiv” jamoasining g'alabasini tan olaman. “Lokomotiv” kuchli jamoa, buni tan olish kerak. Bunday jamoa hakamlarning yordamiga muhtoj emas.

Uchrashuvda raqibimiz himoyachilarimizning qo'pol xatolaridan unumli foydalanishib, gollar urishga erishdi. Dastlabki bo'limga nisbatan ikkinchi bo'limda yaxshiroq o'yin namoyish etdik. Ammo vaziyatlardan foydalana olmadik. Birinchi bo'limdagi tarkibimizda bo'lgan o'zgarishga to'xtaladigan bo'lsam, Sherzod Azamovni almashtirishga majbur bo'ldik, unda charchoq alomatlari sezildi va tezkor harakat qiladigan Doniyor Narzullaevni maydonga tushirdik.

Ikkinchi golimiz toza gol edi, hech qanaqa o'yindan tashqari holat ham yo'q edi. Ammo uchrashuv hakami Bobur Abduholiqovni qo'li bilan o'ynadi deb, golni hisobga olmadi. Bunda ham hakamning qarori tushunarsiz bo'ldi.

Ro'ziqul Berdiev: “Lokomotiv” - hakamlarning yordamiga muhtoj jamoa emas"