Ro'ziqul Berdiev:- Bugungi g'alabamiz bilan barchani tabriklayman. Bugun futbolchilarimiz o'z xarakterlarini ko'rsata olishdi. Bugungi raqibimiz juda kuchli va tajribali edi. Ammo shunga qaramasdan biz bugungi uchrashuvda ko'proq vaziyatlar yarata oldik. Birinchi bo'limda ham yaxshi vaziyatlarga ega bo'ldik. Ammo hujumlarimizni golga aylantira olmadik. Biz qarshi hujumlarda yaxshi harakat qilayapmiz, ammo gol ura olmayapmiz. Bu holat keyingi o'yinlarda ko'proq sodir etilmoqda. Bu bizning kamchiligimiz, buning ustida hali ishlashimiz kerak. Umumiy qilib aytadigan bo'lsam, bugun kuchli raqib ustidan muhim g'alabaga erishdik. Bu g'alabani barcha kutayotgan edi. “Lokomotiv” jamoasi bu yilgi chempionatda ham chempionlikka asosiy davogarlardan biri hisoblanadi. O'ylaymanki, ularning bu muvaffaqiyatsizligi vaqtincha.

Igor Golban:- Bugun ajoyib o'yin bo'ldi. O'ylaymanki muxlislarning ham bugungi o'yindan ko'ngli to'ldi. Ular bugun bizni qizg'in qo'llab – quvvatlashdi. Buning uchun ularga tashakkur bildiramiz. Biz keyingi vaqtlarda g'alaba qozona olmayotgan edik. Bugun g'alaba uchun barcha jamoadoshlarim bor kuchi va mahorati bilan o'ynashdi. Natijada muhim g'alabani qo'lga kiritdik. Bundan mamnunman.

Ro'ziqul Berdiev: “Lokomotiv”ning muvaffaqiyatsizligi vaqtincha”