"Ишончли ғалабага эришдик. Футболчиларимиз маҳоратлироқ эдилар, буни ҳисобда ҳам акс эттирдик. "Обод" тўп билан яхши муомала қилишини ва қисқа паслар беришга уста эканликларини билдик. Шу боис тўпсиз яхши ҳаракат қилишимиз керак эди. "Обод" биринчи гол ўтказгач мезбонлар ҳимояни унутиб қўйишди ва ҳисоб йириклашди. Балки уларда қандайдир тушкунлик бўлгандир.

Соат 16:00да бошланди. Озгина иссиқ бўлди. Бундай ҳавода тез ўйнаш қийин. Фақат позицион ўйин кўрсатдик. Иссиқ таъсир қилди.

Ҳар йили юқори ўринлар учун курашинглар деган вазифа қўйилади. Бизга кубокни олинглар ёки чемпион бўлинглар дейилмайди. Биз юқори ўринлар учун курашни давом эттирамиз. "Локомотив" чемпионликни бериб қўяди деб ўйламайман. Иккинчи ўрин ОЧЛ йўлланмасини беради. Шу боис кураш кескин кечади. Ҳозир мусобақа жадвалига қарасак 6та клуб курашиши мумкин.

Мавсум давомида энг ноқулай рақиб бу "Бунёдкор" бўлди. Икки марта уларга ютқаздик.

Ислом Кенжабоев нимага ўйнамади? Охирги пайтда кўп ўйин ўтказаяпмиз. Ҳали у ёш ва ҳар тур 90 дақиқадан ўйнай олмайди. Шу боис унга дам бериш мақсадида захирада қолдирдим, - дейди Рўзиқул Бердиев.

Рўзиқул Бердиев: "Раҳбарият олдимизга аниқ вазифа қўймаган"