Bazilar "kurakda turmaydigan" fikrlari orqali kun mavzusiga aylangan bo'lsa, kimlardir maydonda tartibsizlik chiqishiga sababchi bo'ldi. Tabiiyki, O'zPFL mojaroli vaziyatlarning barchasini tegishli qo'mitalarga oshirgandi. Lekin yakuniy qarorlar hanuzgacha elon qilinmadi.

"Championat.asia" tahririyati bu masalaga oydinlik kiritishga urinib ko'rdi. Bizga malum bo'lishicha, Coca-Cola Superliga 23-turidan o'rin olgan “Andijon” – “Nasaf” (1:1) uchrashuvi davomida Reglamentga zid bo'lgan qator hatti-harakatlari bilan ajralib turgan Ro'ziqul Berdiev 2 o'yinga diskvalifikaciya qilindi.

O'zbekiston kubogining chorak final bosqichida Jizzaxda o'tkazilgan o'yin yakunida ommaviy janjal sodir bo'lganini bilasiz. Mazkur bahsdagi noo'rin harakatlari uchun 3 kishiga nisbatan diskvalifikaciya chorasi qo'llanilgan.

Tartib-intizom qo'mitasi Ulug'bek Baqoev, Bahodir Nasimov ("So'g'diyona") va Umarbek Eshmurodovni ("Nasaf") 2 tadan uchrashuvga chetlashtirilgan.

Shuningdek, yuqorida nomi keltirilganlarning barchasi jarimaga tortilgani aytilmoqda. Hozircha bu haqda aniq malumot topa olmadik.

Bundan tashqari, Piter Xyustra va Jasur Hasanovga Etika qo'mitasi tomonidan ogohlantirish berilgan. Eslatib o'tamiz, "Paxtakor" ustozi Superliga 23-tur o'yinidan keyin Jizzaxdagi maydon haqida o'z fikrlarini bildirgan. "So'g'diyona" etakchisi esa unga qo'pol tarzda javob qaytarib, shaxsning shani va qadr-qimmatini kamsituvchi o'xshatishdan foydalangan edi. Avvalroq Mikael Sekeyraning jarimaga tortilgani aytilgandi.

Maqola: "Kino davom etadi": "Nasaf" Diakite uchun jarima to'laydi

Ro'ziqul Berdievga qanday jazo berildi? Bahodir Nasimovgachi?