CSKA – "Spartak" 3:1

VEB Arena

Gollar: 0:1 – 11 Ponse, 1:1 – 30 Magnusson, 2:1 – 45 Vlashich, 3:1 – 90 Edjuke.

CSKA – Akinfeev, Karpov, Magnusson, Fernandes, Tiknizyan (Zaynutdinov, 64), Oblyakov, Kuchaev (Biyol, 83), Maradishvili, Vlashich (Bistrovich, 88), SHHennikov, Chalov (Edjuke, 64).

Spartak – Maksimenko, Djikiya, Jigo, Maslov, Ayrton, Kral, Zobnin, Umyarov (Urunov, 77), Bakaev (Kokorin, 56), Larsson, Ponse (Sobolev, 56).

Ogohlantirishlar: Karpov (1), Maslov (29), Ayrton (34), Sobolev (58), Urunov (90), Magnusson (90), Bistrovich (90).

UCHRASHUV YAKUNLANDI! Biroq futbolchilar janjal boshlashdi. "Spartak" maydonni tark etmayapti.

90+2. GOL! Ejuke hisobni 3:1 ko'rinishiga keltirdi, ammo Domeniko Tedesko jon jahti bilan hakamlarga murojaat qilib, raqib futbolchisi qo'li bilan o'ynaganini aytishga urindi. VAR ishga tushdi. GOL HISOBGA OLINDI, ammo to'p haqiqatdan ham qo'lga tekkandi.

90+1. Uchrashuvning asosiy vaqtiga 5 daqiqa qo'shib berildi.

90. Sariq kartochka. Oston O'runov to'pni oldirib qo'ydi va shu zahoti raqibiga nisbatan qo'pollik ishlatdi.

89. "Spartak" ajoyib hujum uyushtirdi, ammo Sobolevning uzatamasiga Larsson ulgurmadi va Mario Fernandesni yiqitishga to'g'ri keldi.

85. "Spartak"dan noaniq zarba. Kokorin Zobninning uzatmasini darvozaga to'g'irlashga urindi, ammo bosh bilan berilgan zarba noaniq ketdi.

82. Oston fintlari orqali raqibdan qochishga urindi, ammo Vlashich uni yiqitib to'xtatdi.

80. O'runov markazdagi to'p uchun kurashda g'olib chiqib, to'pni "Spartak"ga olib berdi.

78. O'runov maydonga tushishi bilan sharhlovchilarni hayratlantira boshladi, u bir harakat bilan raqib futbolchisidan qochib, Larssonga pas berdi, ammo CSKA himoyachilari to'pni maydondan chiqarib yuborishdi.

77. O'zgarish: Oston O'runov Umyarov o'rniga maydonga tushdi.

75. XUSHXABAR! O'runov maydonga tushishga tayyorgarlik ko'rmoqda.

71. "Spartak" hisobni tenglashtirish uchun katta kuch bilan oldinga o'tgan, biroq vaziyatlarga aniqlik etishmayapti.

65. Ejuke maydonga tushishi bilan mezbonlar xavfli hujum tashkil qilishdi, ammo Vlashich pas yoki zarba berishga ikkilanib qoldi va to'pni kuchsiz zarba bilan raqib posboniga topshirdi.

64. O'zgarish: "Rostov"dan CSKAga o'tgan Zaynutdinov Tiknizyan o'rnini egalladi, Chalov o'rniga esa Ejuke o'yinni davom ettiradi.

61. Jikiya sirpanish orqali raqib hujumini to'xtatdi va Akinfeev darvozasiga kuchli zarba berdi, Akinfeev esa seyv ijro etdi. Vaziyat to'xtashi bilan darvozabon o'z jamoadoshiga etiroz bildira boshladi.

Suratga o'zingiz izoh bering...

58. ZARBAAAA! Umyarov uzoq masofadan pushkasini ishga soldi, to'p darvoza ustidan o'tib ketdi.

56. O'zgarish: Bakaev o'rniga Kokorin, Ponse o'rniga Sobolev maydonga tushdi.

52. Jigo o'yinni davom ettira olmaydiganga o'xshaydi, zaxirada esa o'zgarish tayyorlanyapti. Kokorin va Sobolev tayyorgarlik ko'rishmoqda.

51. Bakaevning uzatmasini qabul qilgan Ponse darvozaga o'girilib, zarba berdi. Biroq to'p himoyachilarga tegib, tezligini yo'qotdi va Akinfeev to'pni egallab oldi.

49. Kuchaev o'ng qanotdan "Spartak" jarima maydonchasiga yorib kirdi va darvozaga zarba berdi. Maksimenkodan seyv.

46. Ikkinchi bo'lim boshlandi.

TANAFFUS

45. GOOOL! Bunaqa gollarni kam ko'ramiz! Vlashichning harakatlariga qarsak chalish kerak. Fernandes o'ng qanotdan to'pni markazroqqa uzatdi, Vlashich esa to'pni to'xtatdi va chap oyog'i bilan zarba beradigandek bo'lib, to'pni o'ngiga tashladi va shu zahoti zarba berdi. 2:1, mezbonlar oldinga chiqib olishdi.

42. ZARBAAA! Fernandes o'z jamoasining qarshi hujumini kuchli zarba bilan yakunladi, ammo to'p darvoza uzoq burchagining yonginasidan o'tib ketdi.

40. Maydon markazida Jikiyaga nisbatan qoida buzildi, futbolchiga tibbiy yordam ko'rsatilmoqda. Bu paytda "Spartak" zaxiradagilari mashg'ulot o'tkazishmoqda, hozircha ular orasida O'runov ko'rinmadi.

38. Larssondan superzarba, ammo Akinfeev ham undan qolishmadi va uzoq burchakka kirib ketayotgan to'pni chiroyli sakrash bilan qaytarib qoldi.

36. "Spartak"dan ajoyib qarshi hujum, lekin Ponse to'pni Larssondan qabul qilishi bilan darvozaga zarba berdi. To'p esa maydondan tashqariga chiqib ketdi.

34. Hammasi hal bo'ldi. Hakamlar Ayrton simulyaciya ishlatdi deb topishdi va unga sariq kartochka ko'rsatildi. Tedesko esa 10 bahs arbitrlariga bir necha soniya qarsak chalib turdi.

32. Penaltimi? Tedesko hakamdan 11 metrlik jarima zarbasi so'ramoqda. Ayrton raqib jarima maydonchasi ichida yiqitildi, hakam VARga murojaat qildi.

30. GOL! CSKA hisobni tenglashtirdi! Magnusson burchakdan uzatib berilgan to'pni boshi bilan darvozaning yaqin burchagiga joyladi. "Spartak" posboni to'pni qaytargandek ko'rindi, ammo unday bo'lib chiqmadi. 1:1

29. Sariq kartochka. Maslov markazda raqibiga nisbatan qo'pollik ishlatgani uchun hakam tomonidan jazolandi.

24. Bugun "Spartak" ustozi Domeniko Tedeskoning kayfiyati yomonga o'xshamoqda. Chunki TV efir boshlanganidan beri u hammaga jahl qilib, etiroz bildirmoqda.

18. O'yin tempi biroz pasaydi, "Spartak" kuchni tejash uchun to'pni o'zida saqlab, paslar orqali o'yinni nazorat qilishga urinyapti.

11. GOOOL! Esekel Ponse! Ajoyib zarba! Daler Kuzyaevning parashut uzatmasidan so'ng Ponse raqib jarima maydonchasi chizig'i ustidan to'pni o'ziga to'g'irladi va o'girilib zarba berdi. To'p to'qqizlikka kirib ketdi! 0:1, "Spartak" oldinga chiqib oldi.

7. ZARBA! Vlashich "Spartak" darvozasiga xavf soldi, ammo to'p raqib himoyachisining yuziga tegib maydonni tark etdi.

5. "Spartak" katta tezlikda himoyadan hujumga o'tdi va Larsson raqib darvozasi tomon zarba berdi, ammo to'p CSKA darvoza to'ri ustidan o'tib ketdi.

3. Jigo zarba berdi... "Spartak" futbolchisi to'pni jonli devorning ostidan o'tkazishga urindi, ammo to'p huddi o'sha devorga tegib qaytdi.

1. Uchrashuv boshlandi. Bahs start olishi bilan CSKA o'z jarima maydonchasi yonginasida qoidani buzdi. Karpov darvozabon bilan birga-bir vaziyatga chiqayotgan Larssonni yiqitdi va sariq kartochka bilan jazolandi.

- Jamoalar maydonga chiqib kelishmoqda.

- Assalomu alaykum saytimiz o'quvchilari! Bugun sizlar bilan ajoyib o'yin va Oston O'runovning goliga guvoh bo'lamiz degan umiddaman.

CSKA – Spartak
21.00, VEB Arena
CSKA: Akinfeev - Fernandes, Magnusson, Karpov, SHHennikov - Tiknizyan, Maradishvili, Oblyakov, Kuchaev, Vlashich - Chalov.
Zaxiradagilar: Torop, Vasin, Edjuke, Kotin, Sigurdsson, Zaynutdinov, Gaych, Bistrovich, Biyol, Shkurin.
Spartak: Maksimenko - Zobnin, Jikiya, Maslov, Jigo, Ayrton - Bakaev, Umyarov, Kral - Ponse, Larsson.
Zaxiradagilar: Rebrov, Eshhenko, Kutepov, Gaponov, Golosov, Markitesov, Oston O'runov, Kokorin, Sobolev.

RPL. Moskva derbisida CSKA "Spartak"ni mag'lub etdi