"Tambov" – "Dinamo" 1:2

"Mordoviya Arena"

Gollar: 0:1 – 8 Lesovoy, 1:1 – 64, penalti Onugxa, 1:2 – 90, penalti Komlichenko.

"Tambov" – Ryjikov, Rybin, Takazov, Shlyakov, Tetrashvili, Kilin, Rabiu (Till, 37; Oyevole, 88), Kaplienko, Karasev, Aroyan, Onugxa.

"Dinamo" – Shunin, Evgenev, Ordec, Parshivlyuk, Skopincev (Zaxaryan, 78), Lesovoy, Noyshtedter (Tyukavin, 70), Terexov (Karapuzov, 66), Shimanski, Fomin, Komlichenko.

Ogohlantirishlar: Kaplienko (2), Shimanski (6), Noyshtedter (32), Kilin (44), Karasev (57), Ordec (63), Shlyakov (90).

Chetlatishlar: Kilin (54), Tetrashvili (59).

UCHRASHUV YAKUNLANDI

90+10. SEYV! Shunin Onugxaning zarbasini qaytardi.

90+7. PENALTI! Endi "Dinamo" darvozasi tomon! DAHSHAT!

90+6. Bosh hakam Karasyov yana VAR ekrani tomon odimlab, vaziyatga o'zi baho bermoqchi.

90+5. "Dinamo" maydonida qoida buzilgan ko'rinadi. Hakam VARga murojaat qildi. Qo'shib berilgan vaqt ham tugaganiga qaramasdan hakam VAR qarorini kutmoqda.

90+3. GOL! "Dinamo" hisobda oldinga chiqib oldi. Zarbani Komlichenko ijro etdi.

90+1. PENALTI!

90. Bosh hakam vaziyatni ko'rish uchun ekran oldiga yaqinlashdi.

88. Burchakdan uzatilgan to'pdan so'ng "Dinamo" futbolchisi to'pga zarba berdi va to'p yo'l yo'lakay "Tambov" o'yinchisining qo'liga tekkan ko'rinadi. VAR ishga kirishgan, hamma kutmoqda.

87. "Tambov"da o'zgarish: Till o'ringa Oyevole maydonga tushdi.

85. O'yin faqat "Tambov" yarim maydonida davom etmoqda, mezbonlar 8 futbolchi va 1 darvozabon bilan himoyalanishmoqda.

80. Ko'pchilik Jasur Jaloliddinovning maydonga tushishini kutmoqda, ammo mezbonlar o'zgarishni birinchi bo'limda amalga oshirishgan va hozirgacha biror futbolchini zaxiradan o'yinga qo'shishmadi.

75. Ikki kishi ko'p bo'lib o'ynayotgan "Dinamo" raqib darvozasiga yo'l topa olmayapti.

69. "Dinamo" katta kuch bilan oldinga o'tmoqda, ammo so'nggi uzatmalar noaniq bo'lmoqda.

64. GOOOL! Onugxa 11 metrlik jarima zarbasini golga aylantirdi.

63. "Tambov" foydasiga penalti! "Dinamo" himoyachisi o'z jarima maydonchasi ichidagi to'pni tepib yuborishga urindi, ammo Ordec kutilmaganda raqibining oyog'iga zarba berdi.

59. "Tambov"ning yana bir futbolchisi chetlatildi. Tetrashvilining ahmoqgarchiligi qimmatga tushdi.

57. Tetrashvili jarohat olib yotgan futbolchini oyog'i bilan bosib oldi. Bu atayin qilingan ish edi. U ham chetlatilsa kerak. VARga murojaat qilindi.

54. QIZIL KARTOCHKA! Birinchi bo'limda sariq kartochka olgan Kilin ("Tambov") ikkinchi taymda ham qo'pollik ishlatib, yana jazolandi. Uning ikki sariq kartochkasi qizil kartochkaga aylandi va jamoasini qiyin ahvolga solib qo'ydi.

52. ZARBAAA! Terexovning zarbasi "Tambov" darvozasi ustuni yonginasidan o'tib ketdi.

49. "Tambov" to'pni burchakdan uzatdi va to'p "Dinamo" futbolchisining qo'liga tekkandek ko'rindi, ammo takroriy lavhada bunday emasligi aniqlandi.

46. Ikkinchi bo'lim boshlandi.

TANAFFUS

44. Kilin sariq kartochka bilan jazolandi. U havodagi kurashda "Dinamo" futbolchisiga qarshi qo'pol o'ynadi.

40. "Tambov" burchak zarbasi ishlab oldi, jarima maydonchasiga uzatilgan to'pni Onugxa boshi bilan darvozaga burdi. Shunin esa osonlik bilan to'pni ushlab oldi.

31. Shimanskining zarbasidan so'ng to'p "Tambov" himoyachisiga tegdi va biroz yo'nalashini o'zgartirdi, ammo Rijikov to'pni qaytarishi uchun bu rikoshet muammo bo'lmadi.

29. Statistika

Zarbalar 0-9

Aniq zarbalar 0-4

24. Katta ustunlik "Dinamo" tomonda. Jamoa ketma-ket hujumlar uyushtirmoqda, ammo vaziyatlar noaniq zarbalar bilan yakun topmoqda.

15. "Tambov" hujumga o'tishda katta qiyinchiliklarga duch kelmoqda, "Dinamo" esa 15 daqiqa ichida 3tadan ortiq zarba berishga ulgurdi.

8. GOL! "Dinamo" hisobni ochdi. "Tambov" futbolchisi markazda to'pni oldirdi va "Dinamo" futbolchilari tezkor qarshi hujum tashkil qilib, darvozani ishg'ol qilishdi. Gol muallifi Lesovoy.

7. Komlichenko "Tambov" darvozasi tomon zarba berdi, ammo Rijikov yaqin burchakni yaxshi yopdi va to'pni egallab oldi.

1. Uchrashuv boshlandi.

Mezbonlar azosi Jasur Jaloliddinov zaxirada qoldirildi.

"Tambov" – "Dinamo"
21.00, "Mordoviya Arena"
"Tambov": Rijikov, Takazov, Shlyakov, Aroyan, Kaplienko, Karasev, Tetrashvili, Kilin, Muhammad, Onugxa.
Zaxira: Chagrov, Chicherin, Shaxov, Oyevole, Volodko, Kabaxidze, Till, Jaloliddinov.
"Dinamo": Shunin, Parshivlyuk, Evgenev, Ordec, Skopincev, Noyshtedter, Terexov, Fomin, Lesovoy, Shimanski, Komlichenko.
Zaxira: Sangare, Pliev, Slepov, Raush, Varela, Karapuzov, Moskvichev, Shkolik, Zaxaryan, Tyukavin.

Haqiqiy drama. Ikki kishi kam bo'lib qolgan "Tambov" 100-daqiqada penaltidan gol ura olmadi va mag'lubiyatga uchradi