Nashr Rossiya chempionati o'yinlari to'xtatilgani bois musobaqada qatnashuvchi 15 jamoa murabbiylari va “Zenit” bosh direktori o'rtasida mart oyiga qadar Premer-liganing eng yaxshi futbolchisini aniqlash maqsadida ovoz berish jarayoni o'tkazdi. Ovoz beruvchilarga uch futbolchini tanlash imkoniyati berildi. 1-o'ringa qo'yilgan o'yinchiga 3 ball, 2-ga 2 va 3-o'rin esa 1 ball bilan baholangan.

So'rovnoma natijalariga ko'ra esa Artyom Dzyuba ("Zenit") 25 ballga ega bo'lib, g'oliblikni qo'lga kiritdi. Kuchli uchlikka Gjegoj Krixovyak (“Lokomotiv”) hamda Roman Eremenko (“Rostov”) yakun yasagan.
O'zbekistonlik hujumchi Eldor Shomurodovga esa Valeriy Karpin (2-o'ringa qo'ygan) hamda “Orenburg” ustozi Konstantin Emelyanov (3-o'ringa qo'ygan) ovoz bergan. U jami 3 ochko to'plab, CSKA kiperi Igor Akinfeev bilan 6-pog'onadan joy oldi.

RPLning mart oyigacha bo'lgan eng yaxshi futbolchisi aniqlandi, Shomurodov Akinfeev bilan bir o'rinda