"Birinchi o'rinda "Buxoro"ni g'alaba bilan tabriklayman. O'z maydonida muxlislariga bayram qilib berishdi. Natija esa adolatli, deb o'ylayman. Standart vaziyatlarda xatolarga yo'l qo'ydik. Avval ham aytganimdek bugungi kun jahon futbolida standart vaziyatlar o'yinning taqdiriga tasir o'tkazmoqda. Raqib safida bu boradagi yaxshi ijrochi Shavkat Salomov bor",- deydi Ruslan Ahmedov

- Qizil kartochkaga izoh bera olasizmi?

- Qizil kartochka bo'lgan vaziyatni ochig'i ko'rmadim. O'yindan keyin batafsil vaziyatni ko'rib izoh berish mumkin.

- Jamoa 10 kishi bo'lib qolganiga qaramay himoyaga yotgani yo'q...

- Futbolchilardan yutqazgan taqdirimizda ham chiroyli o'yin ko'rsatishni talab qilamiz. O'yin durangga mos tarzda o'tdi. Bir ochko bilan ortga qaytishimiz mumkin edi. Ikkinchi davradan boshlab akademiyadan ham futbolchilarni jalb qilib boramiz. Ular asosiy tarkib azolari bilan mashg'ulot o'tkazishadi. 1-2 yil ichida bular yaxshi shakllangan jamoa bo'ladi. Etiborimiz yoshlarga qaratilgan.

- "Buxoro"ning yangilangan maydoni haqida fikringiz?

- Maydon sifati alo darajada. Osiyo miqyosidagi o'yinlar o'tadigan holatda.

Ruslan Ahmedov: "Buxoro"ning maydoni alo darajada ekan"