Руслан Аҳмедов: "Кўрдингиз, қўшиб берилган дақиқаларда гол ўтказиш аламли. Йигитларга раҳмат айтаман, чунки улар бугун борини беришди. Вазиятдан келиб чиқиб, тактик, жисмоний ва руҳий жиҳатдан ўйинга юқори савияда тайёргарлик кўрамн. Жарима майдончамиз олдида фол қайд этмаслигини айтгандим, бироқ... Мен футболчини айбламоқчи эмасман, бу шунчаки футболчиларнинг савияси. Раҳбарият истеъфо талаб қилса, бунга тайёрман. Балки мураббийни алмаштириш керакдир.

Иккинчи даврагача имкон беришса, футболчиларнинг 40%ни алмаштиришга тўғри келади. Ё уёғлик ё буёғлик бўлиш керак. Ҳаммани олдида узр сўрайман. Охирги ўзгаришни айбим деб ҳисоблайман, буни қилмасам ҳам бўларди, аммо йигитларга имконият бериш керак деб ўйлагандим. Афсус, шу ўзгариш туфайли ачинарли мағлубиятга учрадик.

Имкониятлар иккала жамоада ҳам тенг бўлди деб ўйлайман. Камида дурангга ҳақли эдик. "Хоразм"да селекция бўйича хато бўлган. Моддий техник базамиз яхши бўлмагани туфайли кучли футболчилар бизга ўтмаяпти. "Кўчада қолганлар"ни теришга мажбур бўляпмиз. Агар раҳбарият мендан истеъфо сўраса, бунга тайёрман. Бироқ менга ишонишса, боримни бераман. Чунки ўзим Хоразмда катта бўлганман.

- Натижани ҳисобга олмасак, ўйин учун тайёрлаган тактикангиз ўзини оқладими?

- Ҳа, оқлади. Чунки "Динамо" сафида Суперлига ўйинчилари бор. Биз иккинчи рақам бўлиб ўйнадик ва қарши ҳужумларга таяниб ҳаракат қилдик.

Руслан Аҳмедов: "Футболчиларнинг 40%ни алмаштиришга тўғри келади"