Ushbu tayyorgarlik doirasida terma jamoamiz kecha “Bunyodkor” akademiyasi maydonida Birlashgan Arab Amirliklarining xuddi shu yosh toifasidagi terma jamoasini bilan o'rtoqlik uchrashuvi o'tkazdi va 1:0 hisobida g'alaba qozondi.

Qiziqarli ruhda o'tgan uchrashuvdan so'ng terma jamoa azosi Ruslan Roziev bilan suhbatlashdik

- Ruslan, avvalo bahs haqida qisqa fikrlaringiz bilan o'rtoqlashsangiz...
- Ajoyib o'yin bo'ldi. G'alaba qozondik. Saudiya Arabistoni safaridan oldin mukammal holatdamiz. Musobaqaga munosib hozirlik ko'rdik. Maqsad bitta- g'alaba.

- Uchrashuvning qolgan qismida temp biroz pasaygandek ko'rindi. Bu raqibga qarshi ishlangan alohida taktika edimi?
- Raqibimizda g'alabaga intilish va ishtiyoq kuchli ekanligi ko'rindi. Ob-havo ham tasir qildi.

- Bilamiz sizda uzoqdan yo'llanadigan yaxshigina zarbalaringiz bor. Ammo, ohirgi o'yinlarda bunga guvoh bo'lmayapmiz negadir...
- To'p bilan erkin muomala qilishga imkon topilmayapti. Vaziyat bo'lishi hamonoq o'zimni uslubimda zarbalar yo'llayman.

- Yig'inga qo'shilmagan Abduvohid Nematov va Xojimat Erkinovlar ham jamoa bilan musobaqaga boradimi?
- Albatta. Superliga tur o'yinlari o'z nihoyasiga etgach ixtiyorimizga qo'shilishadi va biz bilan Saudiyaga Arabistoniga borishadi.

Abdulaziz suhbatlashdi

Ruslan Roziev: “Safar oldidan ajoyib holatdamiz”