Futbolchi dastlab "Bunyodkor" akademiyasiga qanday kelib qolgani haqida fikr bildirdi. Rustam Ashurmatov va Akrom Komilov dastlabki qadamlarni Qo'qonda tashlagan.

"Futbolda Narimon akada emas, Ibrohim va Ikrom akada shug'ullanganman. Narimon aka bizni Toshkentga bitta jamoa sifatida olib kelgan. Akrom esa ularda bo'lgan. Sergey Lushchan selekcioner sifatida turnirga kelgan va u erdan 23 nafar futbolchini tanlashgan. O'sha vaqtda albatta o'yinlarini ko'rganman. 23 nafardan 3 nafar bolani olib qolishgan. Men, Akrom va Ibrohim.

Atrofimda yaxshi futbolchilar ko'p bo'lgan. Meni aslida hujumchi sifatida "Bunyodkor"ga qabul qilishgan. Lekin hujumda ishlarim yurishmagan. O'yinim ko'p, golim kam bo'lardi. Eslayman, lagerdaligimizda poziciyalarga ajratayotganda Sergey Lushchanga himoyaga olishini o'zim iltimos qilganman. Shundan beri mudofaada o'ynab kelyapman. U ham qo'llab-quvvatlagan. Bizning avlodda Javohir Qahramonov, Nuriddin Hasanov, Dilshodbek Ahmadaliev bor edi",- deydi Rustam Ashurmatov.

"Bunyodkor"da maoshim 2 million bo'lgan. Lekin mukofot puli oyligimizdan ko'proq edi. Klubda keyinchalik ham katta pul olmaganman. Eng ko'p maoshim 10 million so'm bo'lgan, mukofotlar bo'lardi. Undan kattasini Koreyada olganman. O'zligimni yo'qotib qo'ymasligimga birinchi o'rinda atrofimdagi muhit sabab bo'lgan. Omadim ham kelgan. "Bunyodkor"da cho'qqiga chiqqan paytimizda ham topgan pulimizni uyga berardik. Yashirmayman bugun ham topgan pulimni yarimidan ko'pini onamga jo'nataman. Kerakligini olib qolaman va uyga yuboraman",- deydi suhbatdoshimiz.

Mundial-2026. Rustam Ashurmatov "Bunyodkor" akademiyasiga qanday kelib qolgani va 2 million so'm maosh haqida