Kecha jamoa ketma-ket beshinchi uchrashuvini ham safarda o'tkazib, Qarshida "Nasaf"ga 0:2 hisobida imkoniyatni boy berdi. Umumiy hisobda esa qo'qonliklarning safardagi o'yinlari soni 7taga etdi.

Bilasiz, bu jamoaning uy stadioni hali mavsumga to'liq tayyor bo'lgani yo'q. Katta ehtimol bilan "Qo'qon-1912" o'z maydonidagi ilk uchrashuvini iyun oyida o'tkazadi. Ungacha jamoa asosan safarda to'p tepishga majbur bo'lyapti.

Natijalarga qaraydigan bo'lsak, No'mon Hasanov shogirdlari shu paytgacha safarda faqat bitta o'yinda g'alaba qozonishdi. Ikki bor durang qayd etilib, to'rtta bellashuvda imkoniyatni boy bergan. Kechagi mag'lubiyat esa oxirgi to'rtta o'yindagi uchinchisi bo'ldi. Bundan tashqari, "Qo'qon-1912" safar bellashuvlarida eng ko'p gol o'tkazgan jamoa bo'lib bo'lib turibdi, 7ta o'yinda -17 gol.

Jamoa navbatdagi turni yanada safarda, Termizda "Surxon"ga qarshi o'tkazadi.

Safarda eng ko'p o'yin o'tkazgan "Qo'qon-1912" to'rtinchi marta mag'lub bo'ldi